शिल्पाको भाग्य छविले लेख्दै

Click Here to Watch Entertaining Videos
पहिलो चलचित्रबाट नै निर्माता छविराजको हात समाउँदै हिडेकी नायिका रेखा थापाले आफ्नो भविष्य सुरक्षित गर्न निर्माता छविराजसँग बैवाहिक जीवनमा पनि बाँधिइन् तर त्यो समबन्ध दिगो भने रहन सकेन । सँगै बसेको करिब १० बर्षमा यि दुईको सम्बन्ध टुंगियो । त्यसपछि रेखा छविराजले निर्माण गरेका कुनै पनि चलचित्रमा देखिइनन् ।

रेखा छविसँग टाढिएपछि छवि क्याम्पमा नयाँ हिराइनको डन्ट्री भयो, शिल्पा पोखरेल । सय बढि म्यूजिक भिडियोमा अभिनय गरेकी शिल्पाले पहिलो पटक ठुलो पर्दामा देखिने मौका पाइन् छविराज ओझाले निर्माण गरेको चलचित्र लज्जामा । उक्त चलचित्रले आक्रामक व्यापार पनि गर्‍यो । त्यसपछि शिल्पाले हवल्दार सुन्तलीमा अभिनय गरिन जुन चलचित्रलाई पनि छविराज ओझाले नै निर्माण गरेका थिए । उक्त चलचित्रले पनि राम्रो व्यापार गरेपछि शिल्पा एकपटक फेरी चम्किइन् ।

फेरी छविराज ओझाले निर्माण गर्न लागेको चलचित्र ‘किस्मत २’ मा पनि शिल्पा नै पक्का भएकी छिन् । यसरी लगातार छविराज ओझाले निर्माण गर्न लागेका चलचित्रमा शिल्पाको धमकेदार इन्ट्रीले छविराज ओझा र शिल्पा बीच प्रेम सम्बन्ध रहेको पनि हल्ला भने नचलेको होइन तर त्यो कुरा दुवै जना मान्न तयार छैनन् । कुनै समय रेखा थापा मात्र देखिने छविराजको चलचित्रमा पछिल्लो समय शिल्पाको इन्ट्रीपनि धमकेदार बन्दै गएको छ ।

एक समय रेखा आफु सुरक्षित हुन छविराज ओझासँग बैबाहिक जीवनमा बाँधिएको चर्चा चलेको थियो । संयोग हो या चलचित्रको माग ? रेखा जसरी नै शिल्पा छवि क्यामपमा अडिएकी छिन् । स्मरण रहोस् केहि महिना अगाडी शिल्पालाई छविले बिवाहको प्रस्ताव समेत राखेको कुरा बाहिर आइसकेको थियो ।