‘गङनम स्टाइल’ गीतबाट संसारभर ख्याती कमाउन सफल दक्षिण कोरियाली गायक पिएसवाएले चाडैं आफ्नो पहिलो एल्बम रिलिज गर्ने तयारी गरेका छन् ।
आफ्नो चार्टबस्टर गीत ‘गङ्नम स्टाइल रिलिज भएको तीन वर्षपछि उनले पहिलो सागीतिक एल्बम रिलिज गर्न लागेका हुन् । सन् २०१२ मा सो गीतबाट आफ्नो ग्लोबल स्टारडम स्थापित गरेका गायकको सो गीतले यूटियूवमा २.४ बिलियन भन्दा बढि पटक हेरिएको थियो ।
त्यस्तै सन् २०१३ र १४ मा रिलिज भएका उनका दूई गीत ‘जेन्टलम्यान’ र ‘हयाङ्ओभर’ले पनि राम्रो चर्चा कमाउन सफल भएको थियो । सो गीतका लागि उनले अमेरिकी र्यापर स्नुपडगसँग साझेदारी गरेका थिए । ३७ वर्षिय गायकको पहिलो एल्बम यसै वर्षको डिसेम्बरको पहिलो तारिख रिलिज हुनेछ ।