डेनमार्कमा राजेशले गरे हंगामा

राइ इज किङको युरोप टुरको चौथो कार्यक्रम डेनमार्कको चार्लोटस्थित कोपेनहेगनमा सम्पन्न भएको छ । कोपेनहेगनबासीहरु गायक राईको प्रस्तुतीमा रामै्रसँग झुमेका थिए ।

कार्यक्रमलाई ‘राजेशपायल म्युजिकल नाईट’ नाम दिएको थियो । उक्त कार्यक्रममा राजेशले २५-३० गीत गाएका थिए । कार्यक्रममा ‘नाई नभन्नु ल ४’ को ‘मैनाराजा मैनारानी’ बोलको गीतबाट आफ्नो गायन सुरु गरेका राईले ‘बसमा छैन यो मन’बाट कार्यक्रमको बिट मारेका थिए ।

राईलाई ‘सागरसरी चोखो मायामा’ स्थानीय गायिका निरा थापाले साथ दिएकी थिइन् भने ‘धरान धरान धनकुटा भेडेटार’को बोलको गीतमा कुसुम दाहालले साथ दिइन् । गायक राई आज मंगलबार बेल्जियम जाँदैछन् ।