ठुलोपर्दा डटकम, काठमाण्डौ।
अभिनेत्री सुस्मिता केसीले निर्माण गरेको नेपाली चलचित्र ‘म त तिम्रै हुँ’को पहिलो पोस्टर सार्वजनिक भएको छ । पोस्टरमा कलाकारहरु आकाश श्रेष्ठ र ज्योत्सना योगी रहेका छन् ।
युवा नायक अनमोल केसीको ब्यानरमा निर्माण भएको यो चलचित्र श्रावण ७ गते बाट देशभर प्रदर्शनमा आउँदै छ । श्रीराम महत निर्देशित यो चलचित्रमा आकाश र ज्योत्सनाको अलावा सुस्मिता केसी सुशिल काफ्ले, जीवन भट्टराई, अनुपम श्रेष्ठ, सुसन खड्का लगायतको अभिनय छ ।
सौरभ लामाको छायांकन, कविराज गहतराजको नृत्य निर्देशन, हिमाल केसीको द्वन्द्व निर्देशन, हर्कुलस बस्नेतको संगीत तथा कृष्ण आचार्यको पटकथा सम्वाद रहेको यो चलचित्रमा सुवास थापाको समेत लगानी रहेको छ ।