ठुलोपर्दा डटकम, काठमाण्डौ।
चलचित्र ‘जात्रा’को टिजर रिलीज भएको छ । चलचित्र ‘पशुपति प्रसाद’मा भष्मे डनको भूमिका निर्वाह गर्ने बिपिन कार्की टिजरमा प्रमूख छन् ।
टिजरमा ‘पशुपति प्रसाद’मा नै हनुमानजीको चरित्रबाट प्रख्यात रबिन्द्रसिंह बानिया समेत छन् । रबिन्द्रले नै ‘जात्रा’ बनाएका हुन् । टिजरमा पैसाको पछि लाग्ने युवाको रुपमा बिपिन देखिएका छन् । एक महिनामा नै काठमाण्डौमा घर बनाउने चुनौतीमा रहेको उनले पैसाले रुवाउने होइन हँसाउने बताएका छन् । टिजरको दृश्यमा पैसाले भरिएको बोरा अगाडी पर्दा बिपिन बेहोस भएका छन् ।
षट्कोण आर्टस् प्रा.लि.ले यो चलचित्रमा बिपिन कार्की, रबिन्द्रसिंह बानिया, रबिन्द्र झा, बर्षा राउत, प्रकाश घिमिरे, प्रवीण खतिवडा, भोलाराज सापकोटा, कमलमणी नेपाल लगायतका कलाकारहरुले अभिनय गरेका छन् । चलचित्रका लेखक तथा निर्देशक प्रदीप भट्टराई हुन् ।
काठमाण्डौको असन गल्लीमा पसल गर्ने तीनजना व्यक्तिको जीवनमा आउने समस्याहरुको वरपर चलचित्र घुम्ने बताईएको छ । ‘जात्रा’को छायांकन राजधानीको असन, इन्द्रचोक लगायतका स्थानमा गरिएको छ ।
चलचित्रका कार्यकारी निर्माता रबिन्द्रसिंह बानिया हुन् भने निर्माता सिंगे लामा र यादव पौडेल हुन् । चलचित्रलाई पुराना छायाँकार दिर्घ गुरुंगले छायांकन गरेका छन् । चलचित्रको रिलीज मिति कार्तिक १९ तोकिएको छ ।
टिजर हेर्नुहोस्: