‘प्रेमगीत २’का दुई सय ५० कभर गीत, दुई जनाले जित्न सक्ने

काठमाण्डौ। श्रावण १३ गते रिलीज हुने चलचित्र ‘प्रेमगीत २’मा समावेश ‘कहानी यो प्रेमगीतको…’ गीतको लागी प्राप्त आठसय कभर गीत भिडियो मध्ये २ सय ५० लाई उत्कृष्ट छान्दै प्रतिष्पर्धामा उतारेको छ । यी सबै भिडियो विहिबार भिडियो युट्युवमा रिलिज भएका छन् ।

भदौ दोस्रो साता यी भिडियो मध्येबाट उत्कृष्ट १५ हुँदै सर्वोत्कृष्ट दुई घोषित हुनेछन् । सर्वोत्कृष्ट भिडियोले जनही एक-एक लाख नगद र ब्यानरको आउँदो फिल्ममा पार्श्र्वगायन मौका पाउनेछन् । यूट्युबमा प्राप्त हुने भ्यूजको आधारमा उत्कृष्ट पन्ध्र घोषित गरिनेछ । यीमध्ये पाँचजना प्रतिभालाई वाइल्ड कार्ड प्रणालीमार्फत सीधै उक्त राउन्डका लागि समावेश गरिने भएको छ ।

प्रदीप खड्का, अश्लेषा ठकुरी, सन्तोष सेन, कैलाश कट्वाल, राजाराम पौड्याल लगायतको मुख्य भूमिका रहेको सिनेमा नेपाल, थाइल्यान्ड र म्यानमारमा छायांकन गरिएको छ ।