तीन बर्षपछिको रिमेशको ‘नालापानी’



rimeshठुलोपर्दा डटकम, काठमाण्डौ।
निर्माता रिमेश अधिकारीले करिब ३ बर्षको विश्रामपछि चलचित्र निर्माण गर्ने भएका छन् । ‘नालापानी’ नाम राखिएको चलचित्र निर्माण गर्न लागेका रिमेशले विर योद्धा बलभद्र कुवँरको शाहष र बहादुरीको कथामा चलचित्र निर्माण गर्न लागेको जानकारी दिए ।

शिवम अधिकारीले निर्देशन गर्ने उक्त चलचित्रलाई रिमेश अधिकारीले लगानी गर्ने छन् । चलचित्रको छायांकन वैशाखको अन्तिमबाट सुरु हुने निर्माता अधिकारीले जानकारी दिएका छन् । यस अघि बसमा छैन यो मन, म बिर्सु कसरी र विरासत निर्माण गरेका रिमेशले करिब ३ बर्षपछि चलचित्र नालापानी निर्माण गर्न लगेका हुन् । पद्मकुमारी फिल्मस्को ब्यानरमा निर्माण हुने यस चलचित्रमा सविन श्रेष्ठ, गणेश गिरी, राजकुमार जोशी, भवानी रेग्मीको मुख्य भूमिका रहनेछ ।

चलचित्रमा मणी थापाले संगीत दिनेछन् । अरु कलाकार तथा प्राविधिकको हाल छनोट कार्य भइरहेको जानकारी दिदैं निर्माता अधिकारीले नालापानी अन्तराष्ट्रियस्तरको चलचित्र बन्ने दाबी गरे । ‘चलचित्रको कथा तयार भइसकेको छ अब केहि कलाकार र प्राविधिकको छनोट गर्न बाँकी छ’ उनले अगाडी भने, ‘नालापानी’को युद्धमा नेपालीहरुले देखाएको विरताको कथालाई पनि चलचित्रमा देखाउने छौं ।’

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu