भुकम्प पिडित चलचित्रकर्मी र हललाई राहत पहल गरिने



FDB MEETING EARTHQUAKEठुलोपर्दा डटकम, काठमाण्डौ।
बैशाख १२ गते आएको महाभूकम्पले नेपाली चलचित्र क्षेत्रमा पनि ठुलो असर पारेको छ । यसैबीच भूकम्पबाट पिडित चलचित्रकर्मी र चलचित्रघरहरुको विवरण निकाली राहतका लागी पहल गरिने भएको छ ।

बिहिवार चलचित्र विकास बोर्डमा बसेको बैठकले भूकम्पबाट पिडित चलचित्रकर्मी तथा चलचित्रघरहरुको विवरण निकाली तत्काल राहतको लागी पहल अघि बढाईने निर्णय गरेको छ । पन्ध्र दिनसम्म छायांकन स्थगन तथा क्षतिग्रस्त चलचित्रघरहरु बन्द गर्ने निर्णय गर्दै बैठकले प्राकृतिक विपत्तीको बेला सबै चलचित्रकर्मीलाई एकबद्द रहेर अघि बढ्न आग्रह गरेको छ ।

साथै, चलचित्र विकास बोर्डका सदस्य सुरेश दर्पण पोखरेलको संयोजकत्वमा ‘चलचित्रकर्मी मानव तथा भौतिक क्षति विवरण संकलन एवं सहयोग वितरण समन्वय समिति’ गठन गरिएको छ । बिहिवारको बैठकले देशमा गएको शक्तिशाली भुकम्पले पुर्‍याएको प्राकृतिक प्रकोपमा परी ज्यान गुमाउन पुगेकाप्रति श्रद्धाञ्जली व्यक्त गर्दै दिवंगत आत्माको चिरशान्तिको कामना गरेको छ भने घाईतेहरुको शिघ्र स्वास्थ्यलाभको कामना गरेको छ ।

गत शनिवार आएको ७.६ रेक्टर स्केलको भूकम्पले बिशेष गरी मल्टिप्लेक्स हललाई बढि प्रभावित बनाएको छ । उक्त भूकम्पबाट देशका अन्य क्षेत्रमा परेको असर जस्तै चलचित्र क्षेत्रलाई पनि तहसनहस बनाएको छ ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu