चलचित्र पत्रकार संघद्वारा वोर्ड अध्यक्ष राईलाई वधाई तथा सम्मान



rajkumar-rai-fdbठुलोपर्दा डटकम, काठमाण्डौ।
केहि दिन अगाडी मात्र चलचित्र विकास वोर्डको अध्यक्षमा नियुक्त भएका राजकुमार राईलाई शुक्रबार चलचित्र पत्रकार संघले बधाई तथा सम्मान गरेको छ । काठमाडौंमा एक कार्यक्रमको आयोजना गरि चलचित्र पत्रकार संघले अध्यक्ष राईलाई वधाई तथा शुभकामना दिएको हो ।

वधाई तथा शुभकामना पश्चात कार्यक्रममा बोल्दै अध्यक्ष राईले आफुबाट चलचित्रक्षेत्रले केहि नयाँ कुराको आश गर्नु स्वभाविक रहेको बताए । उनले भने -‘अहिले बक्स अफिस लागू गर्नु पर्ने म माथि चुनौती छ र त्यो चुनौतीलाई म साकार गरेरै छोड्छु ।’ उनले अगाडी भने -‘चलचित्र सम्बन्धी समाचार लेख्ने पत्रकारहरुका लागी पनि बोर्डले केहि नयाँ योजनाहरु ल्याउदैं छ र बक्स अफिस राखेपछि वितरक, निर्माता, प्रदर्शक, समिक्षकको एउटा समिती बनाइने छ र उक्त समितिमा पत्रकारहरुलाई पनि अटाउने छौं ।’

‘मेरो ‘नियुक्तिले फेरि एकपटक विशुद्ध रूपमा एउटा चलचित्रकर्मीले सम्मान पाएको छ र सरकारले बोर्ड केवल चलचित्र क्षेत्रको विकास र विस्तारका लागि गठन भएको हो र बोर्डमा चलचित्रकर्मी नै हुनुपर्छ भन्ने कुरा सञ्चारमन्त्रीज्यूले पनि प्रमाणित गरिदिनुभएको छ’ अध्यक्ष राईले अगाडी भने -‘म पहिलेदेखि नै नेपाली चलचित्र क्षेत्रको विकास र विस्तारमा लाग्दै आएको छु । अब पनि मेरो धर्म यही हो । अब चर्चामा रहेको र चलचित्रकर्मीको पक्षमा रहेको बक्सअफिसलाई अगाडि बढाउँछु ।’

चलचित्र पत्रकार संघले गरेको वधाई तथा शुभकामनामा पत्रकार संघका अध्यक्ष शान्ति प्रियले अध्यक्ष राईलाई सम्मान गरेका थिए । सम्मान पश्चात कार्यक्रममा बोल्दै पत्रकार संघका अध्यक्ष शान्ति प्रियले चलचित्र पत्रकार संघले पनि अध्यक्ष राईबाट पत्रकारहरुको हकहितको विषयमा वोर्डको सहयोगको अपेक्षा लिएको पनि बताए ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu