चौथो ईनास अवार्ड सिक्किममा हुने, डेनीलाई दिर्घ साधना सम्मान



4th-inas

ठुलोपर्दा डटकम, काठमाण्डौ।
अन्तराष्ट्रिय कलाकार समाजले हरेक बर्ष आयोजना गर्दै आएको ईनास नेपाली फिल्म अवार्डको चौथो संस्करण नेपालीहरुको बाहुल्यता रहेको भारतको सिक्किममा हुने भएको छ । सोमवार राजधानीमा एक कार्यक्रमको आयोजना गर्दै इनास नेपाल कमिटीले उक्त घोषणा गरेको हो ।

आगामी नोभेम्बरको पहिलो साता सिक्किममा अवार्ड प्रदान कार्यक्रम आयोजना हुनेछ । कार्यक्रममा नेपाली चलचित्रका पुराना नायक तथा सिक्किम चलचित्र विकास वोर्डका अध्यक्ष उत्तम प्रधानको पनि उपस्थिती थियो । साथै, कार्यक्रममा पर्यटन मन्त्री आनन्द प्रसाद पोखरेल, चलचित्र विकास वोर्ड अध्यक्ष राजकुमार राई, ईनास ग्लोबल अध्यक्ष पुष्प बरुवाल लगायतको उपस्थिती थियो ।

ईनास अवार्डको चौथो संस्करणमा बलिउडका चर्चित अभिनेता डेनी डेनजोङपालाई दिर्घ साधना सम्मान दिईने भएको छ । डेनीले थुप्रै चर्चित नेपाली गीत गाएका छन् भने केहि नेपाली चलचित्रमा पनि अभिनय गरेका छन् । ६८ बर्षीय डेनीले दुई सय को हाराहारीमा भारतिय चलचित्रमा अभिनय गरेका छन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu