बिहानै रुवाए दीपकले, यसरी मनाईन् दीपाले ४२औँ जन्मदिन (भिडियो सहित)



Deepa-Shree-Celebrate-42nd-bday

ठुलोपर्दा डटकम, काठमाण्डौ।
चर्चित हाँस्यकलाकार तथा चलचित्र निर्देशक दीपाश्री निरौलाले मंगलवार आफ्नो ४२औँ जन्मदिन मनाएकी छिन् । गाईजात्रा पर्वको अवसरमा राजधानीको प्रज्ञा प्रतिष्ठानमा चलिरहेको गाईजात्रा महोत्सव स्थल परिसरमा कलाकार, शूभचिन्तक तथा मीडियासामु उनले केक काटेर जन्मदिन मनाएकी हुन् ।

साथै उनि र उनका सबैभन्दा नजिकका साथी दीपकराज गिरीले पढाउँदै आएका केहि विपन्न बालबालिका समेत जन्मदिनको कार्यक्रममा आएका थिए ।

उक्त अवसरमा उनले आफ्ना केहि पुराना कुराहरु खोलेकी छिन् । उनले बिहानै दीपकराजले जन्मदिनको शूभकामना सहित लेखेका शब्दले आफुलाई रुवाएको बताईन् । शूभकामना सन्देशमा दीपकले आफु लड्दा कहिल्यै साथ नछोडेकी साथी जस्ता कुराहरु उल्लेख गरेका थिए । दीपाले पनि दीपकले आफुलाई उत्तिकै साथ दिएको बताइन् ।

दीपाले करियरको शुरुवातमा नाटक बोलेर रेडियो नेपालले दिने १०० रुपैँयाबाट २५ को खाजा खाएको जस्ता कुराहरु सम्झना गरिन् । उनले आफु कलिलै हुँदा गुमेकी आमालाई सम्झेर भावुक बनिन् । ४२ बर्षकै उमेरमा उनको आमाको निधन भएको थियो । दीपाले आफ्नो यो उचाई आमालाई देखाउने रहर अधुरै रहेको गुनासो समेत पोखिन् ।

साथै उनले आफ्नो जन्म यसपालीको भदौ महिनामा दुई पटक हुने बताईन् । अर्को जन्मदिन भदौ २४ मा हुने बताउँदै उनले आफ्नो निर्देशनको पहिलो चलचित्र रिलीजको दिन अर्को जन्म हुने बताएकी हुन् । उनि निर्देशित ‘छक्का पञ्जा’ भदौ २४ मा रिलीज हुँदैछ ।

हेर्नुहोस् जन्मदिन बिशेष कुराकानी:

दीपाले यसरी मनाईन् आफ्नो ४२औँ जन्मदिन:

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu