अनमोलसँग अदितीको यस्तो रोमाञ्स, हेर्नुहोस् ‘कृ’को रोमान्टिक पोष्टर



काठमाण्डौ। यस बर्षकै सर्वाधिक प्रतिक्षित चलचित्र ‘कृ’को अर्को पोष्टर सार्वजनिक भएको छ । यसअघि एक्शन पोस्टर सार्वजनिक गरेको निर्माण टीमले यसपटक रोमान्टिक पोष्टर सार्वजनिक गरेको हो ।

यस पोस्टरमा नायिका अदिती बुढाथोकीलाई पनि समावेश गरिएको छ । यसअगाडि नायक अनमोल केसीको मात्र तस्बिर समावेश गरिएको पोष्टर सार्वजनिक गरिएको थियो । शुक्रबार दिउँसो ३ बजे एक भव्य कार्यक्रमको आयोजना गर्दै चलचित्रको ट्रेलर सार्वजनिक गर्ने तयारी यसको निर्माणपक्षले गरेको छ ।

सुवास इन्टरटेन्मेन्ट प्रालिको ब्यानरमा निर्माण भएको यो चलचित्रलाई द सुपर काजोल फिल्मस्ले प्रस्तुत गरेको हो । चलचित्रमा अनमोल केसी, अदिती वुढाथोकी, सरोज खनाल, रुपा राना, अनुपविक्रम शाही, कामेश्वर चौरासिया लगायतका कलाकारको मुख्य भूमिका छ ।

सुवास गिरी र भूवन केसी निर्माता रहेको चलचित्रलाई सुरेन्द्र पौडेलले निर्देशन गरेका हुन् । चलचित्रका कार्यकारी निर्माता कमल गिरी हुन् भने सह-निर्माता श्री पराजुली रहेका छन् ।

माघ २६ गतेबाट नेपालभर यो चलचित्र रिलिज हुनेछ । अघिल्ला ४ वटा चलचित्रमा रोमान्टिक नायकको रुपमा देखिएका अनमोल यो चलचित्रमा रोमान्टिकसँगै एङ्ग्री अवतारमा पनि देखिएका छन् । टौवा क्रियशनले यो पोष्टर तयार पारेको हो ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu