‘शेरबहादुर’ लाई दर्शकले के भने ?



शुक्रवारबाट देशव्यापी प्रदर्शनमा आएको नेपाली चलचित्र ‘शेरबहादुर’ लाई दर्शकबाट राम्रो प्रतिक्रिया मिलेको छ । सिनेमा घरहरुमा दर्शकको ठेलमठेल उपस्थिति नरहेपनि चलचित्र हेर्ने दर्शकले राम्रो बोलेका छन् । शुक्रवार ४५ प्रतिशत अकुपेन्सी रहेको यो चलचित्रले शनिवार ६५ प्रतिशत माथीको अकुपेन्सी कायम गरेको वितरक गोपाल कायस्थले जानकारी दिए ।

शनिवार ८० प्रतिशत माथिको अकुपेन्सी अपेक्षा गरिएको भएपनि दर्शक सोचे जस्तो हलमा आएका छैनन् । कतिपय दर्शक आफैंले चलचित्र हलिउडको प्रभावमा बनाएको थाहा हुँदाहुँदै पनि हेरेको र नेपालमा पनि हलिउड जस्तै चलचित्र निर्माण हुनसक्छ भने विश्वास ‘शेरबहादुर’ बाट मिलेको बताएका छन् ।

शनिवार गोपिकृष्ण, अष्टनारायण लगायतका हलमा दर्शकहरु चलचित्रका प्रमुख कलाकार सुनिल थापा र रविन्द्र झासँग सेल्फी खिच्न व्यस्त देखिन्थे । ‘शेरबहादुर’ को दुईदिने कलेक्सन आइतवार दिउँसो मात्र सार्वजनिक गरिने वितरक कायस्थले जानकारी दिए ।

चलचित्रलाई आर राजवंशीले निर्देशन गरेका हुन् । धिराज प्रोडक्सनको व्यानरमा निर्मित यो चलचित्रमा प्रमोद क्षेत्रीको कथा छ । चलचित्रमा गौरीशंकर धुनुजु र धिराज राजवंशीको लगानी रहेको छ ।

‘शेरबहादुर’ एक अवकास प्राप्त आर्मीको कथामा आधारित थ्रिलर जनराको चलचित्र हो । चलचित्रमा बरिष्ठ कलाकार सुनिल थापा, कर्मा, रविन्द्र झा, मेनुका प्रधान लगायतका कलाकारहरुको प्रमुख भूमिका छ ।

‘जात्रा’ निर्देशक प्रदीप भट्टराईको सह-निर्देशन रहेको चलचित्रका सिनेम्याटोग्राफर दीर्घ गुरुङ हुन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu