के छ ‘पञ्चायत’ मा ?



चास वर्ष पुरानो कथामा आधारित ग्रामिण कथा र पुरानो सँस्कृति झल्काउने चलचित्रको ‘पञ्चायत’ आउँदो चैत २ गतेबाट प्रदर्शनमा आउँदैछ ।

५० बर्ष अगाडिको सामाजिक संरचना र त्यो समयका किशोरीहरुको यौन मनोविज्ञानलाई समाजले हेर्ने दृष्टिकोण र छाउपडी प्रथामा बस्ने किशोरीको पीडालाई ‘पञ्चायत’ मा देखाइएको लेखक तथा निर्देशक शिवम अधिकारी बताउँछन् ।

उनी भन्छन्, ‘ती दर्शकहरुका लागि हो ‘पञ्चायत’, जसले पञ्चायती शासनको उग्रसमय २०३१ सालतिरको पत्याउनै नसकिने इतिहास हेर्न नपाएका हुन् ।’ ‘सातवर्ष अघि बनेको स्क्रिप्ट आज आएर पर्दामा उतार्नु चानचुने कुरा होइन’, निर्देशक अधिकारी अगाडि थप्छन्- ‘निर्माताले नेपाली पहिचान चिनाउने आँट गरेकाले सात वर्षपछि भए पनि चलचित्र बन्नु आफैंमा इतिहास हो ।’

अमेरिकाको क्यालिफोर्निया राज्यको सन् फ्रान्सिस्को शहरमा आयोजित ‘सन् फ्रान्सिस्को चलचित्र महोत्सव’ मा ‘पञ्चायत’ ले बिदेशी भाषाको ‘उत्कृष्ट चलचित्र’ विधामा र ‘उत्कृष्ट मुख्य अभिनेत्री’ विधामा पुरस्कार जित्न सफल भएको थियो ।

दर्शकले ‘झोला’ पछि मौलिक नेपालीपनको चलचित्र हेर्न पाएका छैनन् । त्यो भोक अब ‘पञ्चायत’ ले मेटाउने छ । ५० वर्ष अघिको शासनकाल, जुन आफैंमा एकतन्त्रिय थियो । त्यसभित्रको नदेखिएको र नलेखिएको कथा ‘पञ्चायत’ मा छ ।’ प्रस्तुतकर्ता गणेश गिरीले भने ।

चलचित्रका कार्यकारी निर्माता रवि अधिकारी नेपाली कला, सँस्कृति, परम्परा र सामाजिक व्यवस्थालाई विश्व सामु चिनाउने ‘पञ्चायत’ अर्गानिक फिल्म रहेको बताउँछन् । अभिनेता सरोज खनालले चलचित्रमा आफूले विना पारिश्रमिक काम गरेको खुलाए ।

उनले भने, ‘इतिहास बोकेकाले मैले फिल्म गरे बापत एक रुपैयाँ पनि लिइनँ ।’ यस्तै, अभिनेत्री नीता ढंगानाले आफू ‘पञ्चायत’ बाट आशावादी रहेको बताइन् । उनी भन्छिन्, ‘मसान’ पछि सबैभन्दा बढी तारिफ ‘पञ्चायत’ बाट पाएकी छु, जसले मलाई विश्वकै उत्कृष्ट अवार्ड दिलायो । चलचित्रले कस्तो भाव बोकेको छ भन्ने त्यसैबाट झल्किन्छ ।’

लचित्रको निर्माण सुशान्त श्रेष्ठ र शंकर सुवेदीले गरेका हुन् । टंक बुढाथोकीको संगीत र रामेश्वर कार्कीको छायांकन रहेको चलचित्रलाई विपिन मल्लले सम्पादन गरेका हुन् ।

यो चलचित्रमा सरोज र नीताका अलवा रुपा राना, गीता अधिकारी, गणेश गिरी, जाहान्वी बस्नेत, विशाल पहारी, किरण थापा, राजुबाबु श्रेष्ठ लगायतको अभिनय रहेको छ ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu