‘हुर्रे’ मा केकीले बोलेकी छिन् दुई अर्थी शब्द (भिडियो)



यही फागुन २५ गतेबाट नेपाली चलचित्र ‘हुर्रे’ देशैभर एकसाथ प्रदर्शनमा आउँदैछ । यो चलचित्रको ‘ठेकीमा दही’ र ‘पशुपति’ बोलको गीत यसअघि नै युट्युबमा हिट भइसकेको छ भने, कमेडी ट्रेलरलाई दर्शकले खुब रुचाएका छन् ।

अनुप विक्रम शाही, केकी अधिकारी, राजाराम पौडेल, अंकित खड्कालगायतका कलाकाहरुको अभिनय रहेको चलचित्रका निर्देशक तथा लेखक यम थापा हुन् ।

‘हुर्रे’ आफ्नो १९ औं फिल्म बताउने केकी पहिलो चलचित्र ‘स्वर’ रिलिजको बेला झैँ प्रत्येक नयाँ फिल्म रिलिज हुन लाग्दा डर र चिन्ताले डेरा जमाउने बताउँछिन् ।

ठूलो पर्दा टिभीसँग कुराकानी गर्दै केकी भन्छिन्, ‘हुर्रे’ मा मैले यसअघि निर्वाहा गरेका भूमिका भन्दा विल्कुलै फरक छ । पशुपति मन्दिरमा फूल बेच्ने मेनकाको भूमिका निर्वाहा गरेकी छु । उसलाई दुई अर्थी शब्द बोल्न एकदमै मन पर्छ । रियलमा चाहीँ म यस्तो कुरा सुन्न र बोल्न मन पराउँदिनँ । तर गर्नुपर्ने क्यारेक्टर फेरि त्यस्तै छ । त्यो मेरो लागि निकै ठूलो चुनौती थियो ।’


‘दुई अर्थी शब्द बोले पनि अपाच्य भने चाहीँ छैन । मैले त्यो क्यारेक्टरकै लागि भए पनि राजाराम दाईसँग बढी समय विताउथेँ, जसले गर्दा मलाई दुई अर्थी संवाद बोल्न सजिलो हुन्थ्यो ।’ केकीले भनिन् ।

‘हुर्रे’ मा पण्डित महाराज बनेका ह्यान्डसम भिलेन अनुप विक्रम शाही आफूलाई फरक-फरक भूमिका गर्न रुचाउने बताउँछन् ।

उनी भन्छन्, ‘चलचित्रका लागि मैले कपाल मुण्डन गर्नुपर्ने थियो । सायद, सबै कलाकारलाई कपाल मुण्डल गर्नुपर्ने सबैभन्दा ठूलो चुनौती हुन्छ । मेरो त झन् ‘ब्याक टू ब्याक’ चलचित्र थियो । तर क्यारेक्टरलाई न्याय गर्न मैले ‘हुर्रे’ का लागि कपाल मुण्डन गरेँ ।’

कमेडी जनरको यो चलचित्रलाई दावा शेर्पा, सोनम लामा, छिरिङ दोर्जेले संयुक्त रुपमा निर्माण गरेका छन् ।

भिडियो :-

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu