फरहान अख्तर नेपाल आउने



बलिउड अभिनेता फरहान अख्तर नेपाल आउने भएका छन् । निर्देशक, निर्माता, लेखक तथा पार्श्व गायक समेत रहेका उनी आउँदो चैत तेस्रो साता काठमाडौंमा हुने सांगीतिक कन्सर्टका लागि नेपाल आउन लागेका हुन् ।

चैत २४ गते काठमाडौंको पाँच तारे होटल हायत रिजेन्सीमा ‘फरहान अख्तर लाइभ इन नेपाल’ आयोजना गरिएको छ । रोयल च्यालेन्ज र नज्ज्य इन्टरटेन्मेन्टको आयोजनामा हुन लागेको कन्सर्टमा फरहानले नेपाली दर्शकलाई ‘एक जुनून’, ‘सोचा है’, ‘तुम हो तो, ‘रक अन’ जस्ता आफूले गाएका गीत सुनाउने छन् ।


३ बजेदेखि सुरु हुने कन्सर्टका लागि २ हजार र ४ हजारको टिकट मूल्य तोकिएको छ । बलिउडमा बहुआयमिक ‘ब्राभो’ कलाकारको परिचय बनाएका फरहानका नेपालमा पनि धेरै फ्यान छन् । उनले ‘दिल चाहता है’, ‘लक्ष्य’, ‘डन’ लगायत चलचित्र निर्देशन गरेका छन् ।

सन् २००७ मा ‘द फकिर अफ भेनिस’ बाट अभिनय यात्रा थालेका फरहानले ‘रक अन’, ‘भाग मिल्खा भाग’, ‘जीन्दगी ना मिलिगी दोबारा’ लगायतका चलचित्रमा पनि अभिनय गरिसकेका छन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu