‘समर लभ’ को ‘वर्ड अफ माउथ’ राम्रो



शुक्रबारबाट प्रदर्शनमा आएको चलचित्र ‘समर लभ’ लाई दर्शकको राम्रो साथ मिलेको छ । प्रदर्शनको पहिलो दिन चलचित्रको ब्यापारमा बर्षात भिलेन बन्यो । रिलिजको अघिल्लो दिनदेखि निरन्तर परेको झरीले रिलिज पुर्वको शनिबार पनि छोडेन । तर, चलचित्रको प्रतिक्षामा बसेका दर्शक भने रुझ्दै र भिज्दै हलसम्म पुगे ।

शुक्रबारको तुलमाना चलचित्रप्रति शनिबार दर्शकको साथ उच्च देखियो । बर्षातका कारण बिहानी शोजहरु प्रभावित हुँदा दिवा शोमा भने दर्शकको चाप बढ्यो । शनिबारको ‘दिवा शो’मा राजधानीको मुख्य केन्द्र मानिने गोपीकृष्णको १ हजार बढि क्षमताको ‘गोपी’ पर्दा हाउसफुल बन्दा अष्टनारायण हलमा पनि सोहि प्रकारको उपस्थिती दर्शकको देखिएको थियो ।

मल्टिप्लेक्स तर्फ सिभिल मल, लाबिङ मल लगायतका शोजहरुमा पनि दर्शकको चाप राम्रो पाइयो’, प्रफुल्लित मुद्रामा निर्देशक मुस्कान ढकालले भने, ‘बर्षातका बाबजुत दर्शकले दिनुभएको माया र साथले खुशी बनाएको छ, वर्ड अफ माउथ राम्रो छ, चलचित्र हेर्ने दर्शकले मुख खुम्च्याएको भेटेको छैन ।’

त्यसो त ढकाल फिल्मको अबको लक्ष्य भ्यालेन्टाइन भएको बताउँछन् । माया गर्नेहरुको लागी प्रणय दिवस आइसकेको छ, हाम्रो चलचित्रको मुख्य कन्टेन्ट नै प्रेम हो, त्यो दिन दर्शकको लागी राम्रो खुराक र कोशेली ‘समर लभ’ बन्नेमा शंका छैन ।’ चलचित्रले राजधानी बाहिर नारायणगढ, दाङ, धरान र पोखरामा पनि दर्शकको साथ राम्रो पाएको वितरकहरुबाट प्राप्त विवरण बोल्छ ।

कलाकार सहितको चलचित्र टिमलाई पछ्याउँदै राजधानीका केहि हलमा पुग्दा हल सञ्चालकले ‘समर लभ’को रिलिज आफुहरुको लागी दशैँ आए बराबर भएको बताउँदै थिए । त्यसो त पछिल्लो रिलिज ‘प्रसाद’ र ‘चङ्गाचेट’पछि कुनै पनि नेपाली चलचित्रले दर्शक पाएको रेकर्ड छैन । हलमा खडेरी लागिरहेको समयमा ‘समर लभ’ मल्हम बनेर आएको हल सञ्चालकहरुको भनाइ थियो ।

सुबिन भट्टराईको प्रेमिल उपन्यासमा आधारिक यो चलचित्रमा आशिष पिया, रेवती क्षेत्री, सुरजसिंह ठकुरी, नम्रता सापकोटा, सरोज खनाल, ओमप्रतिक, कविता रेग्मी, शिशिर भण्डारी लगायत लिड अभिनयमा छन् । चलचित्रको पटकथा सुबिन र सामिप्यराज तिमिल्सेनाले लेखेका छन् ।

सञ्जय लामाको छायांकन रहेको चलचित्रमा कार्यकारी निर्माता बिनोद अधिकारी छन् भने इन्दु भण्डारी र खगेन्द्र श्रेष्ठ निर्मातामा छन् । पुष्पन प्रधानको संगीत रहेको चलचित्रले सांगितिक रुपमा पनि आफुलाई अब्बल प्रमाणित गरेको छ ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu