‘साइँली’ को ‘प्याट् प्याटे’ गीत रिलिज (भिडियो)



चैत १५ गतेबाट प्रदर्शनमा आउन लागेको रामबाबु गुरुङ निर्देशित चलचित्र ‘साइँली’ को दोस्रो गीत युट्युब रिलिज भएको छ । ‘नाच माया’ बोलको पहिलो गीतले युट्युबमा झण्डै ४० लाख भ्यूज बटुलिसकेको अवस्थामा निर्माण टिमले ‘प्याट् प्याटे’ बोलको गीत सार्वजनिक गरेको हो । सुशान्त गौतमले गीतमा आवाज भरेको छन् ।

हर्क साउदको शब्दको शब्द र गायक गौतमको संगीतमा रहेको गीतमा चलचित्रका चार लिड कलाकार दयाहाङ राई, गौरव पहाडी, मेनुका प्रधान र केनिपा सिंह फिचर्ड छन् । गीतमा दया-केनिपा र गौरव-मेनुकाको प्रेम देखाइएको छ ।


गायक हेमन्त रानाको चर्चित गीत ‘सुन साइँली’ नामलाई सापटी लिएर यो चलचित्र निर्माण भएको हो । गीतझैं चलचित्रले पनि बैदेशिक रोजगारीको कथा भन्ने निर्देशक गुरुङले बताए । यसलाई गायक हेमन्त राना र अभिनेता गौरव पहारीले मिलेर निर्माण गरेका हुन् । चलचित्रको कथा निर्देशक स्वयम्को हो ।

माओत्से गुरुङ, केनिपा सिंह, प्रकाश घिमिरे, अरुण कार्कीलगायतका कलाकारको पनि अभिनय रहेको यस चलचित्रमा विशाल गुरुङ र मोहन राना मगर निर्मातामा छन् । चलचित्रका कार्यकारी निर्माता मणिराम पोखरेल हुन् । शैलेन्द्र डि कार्कीको छायांकन रहेको चलचित्रमा निमेष श्रेष्ठको सम्पादन छ ।

गीत हेर्नुहोस् :-

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu