‘यात्रा’ ले गर्‍यो ‘क्रिकेट रङ्गशाला’ निर्माणका लागि आर्थिक सहयोग



चैत २९ गतेबाट देशभर प्रदर्शनमा आउन लागेको चलचित्र ‘यात्रा’ टिमले ‘धुर्मुस सुन्तली फाउण्डेसन’ द्वारा भरतपुर चितवनमा निर्माण गरिने ‘गौतम बुद्ध अन्तर्राष्ट्रिय क्रिकेट रङ्गशाला’ का लागि आर्थिक सहयोग हस्तान्तरण गरेको छ । चलचित्रका निर्देशक सम्राट शाक्य, प्रस्तुतकर्ताद्वय केशव भट्टराई र चिजकुमार श्रेष्ठ र निर्माता शुशील पोखरेलले फाउण्डेसनका अध्यक्ष सिताराम कट्टेललाई ५० हजारको चेक प्रदान गरे ।

सहयोग बुझेपछि सितारामले चलचित्रको सफलताको शुभकामना दिए । ‘थोपा-थोपा मिलेर समुन्द्र बनाउने कोशिशमा छौं, त्यसैले यो सहयोग हाम्रो लागि अमुल्य छ’, धुर्मुस भन्छन् । उनले चलचित्र ‘यात्रा’ मा देखिने नेपालको सुन्दरताले नेपालको पर्यटन क्षेत्रलाई पनि टेवा पुग्ने विश्वास व्यक्त गरे । ‘धुर्मुस सुन्तली’ को अभियानमा साथ दिन पाउँदा निकै खुसी लागेको प्रस्तुतकर्ता चिजकुमार श्रेष्ठले बताए ।


यस्तै, अर्का निर्माता शुशीलले अभियानकै सहयोगार्थ हुन लागेको मातृभूमि कपमा आफ्नो टिम क्रिकेट खेल्न जाने समेत बताए । केही दिनदेखि चलचित्रका अभिनेता सलिनमान बनिया क्रिकेट प्रशिक्षणमा सभागी भइरहेका छन् । चलचित्रमा उनी भ्लगरको भूमिकामा छन् । फिल्ममा सलिनसँगै सलोन बस्नेत, जान्वी बस्नेत, जयनन्द लामा, रेअर राई, प्रेक्षा बज्राचार्यलगायतको अभिनय छ ।

यही चलचित्रबाट मलिका महतले डेब्यू गरेकी छन् । चलचित्रमा निर्देशक सम्राटकै कथा छ । यसलाई उनीसँगै सुरेश न्यौपाने, प्रतिक पौडेल र शिशिर खातीले मिलेर लेखेका हुन् । यसलाई संजय लामाले खिचेका हुन् । चलचित्रमा प्रविन सिंहको कोरियोग्राफी, हिमाल केसीको द्वन्द्व, बनिश शाहको सम्पादन छ । चलचित्रमा वरिष्ठ संगीतकार शम्भुजित बास्कोटासँगै प्रतिक पौडेल र कोविद बज्रको संगीत रहेको छ ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu