‘यात्रा’ : हलमा देखियो सलिनको यस्तो क्रेज (फोटो र भिडियोसहित)



नयाँ वर्षको छेको पारेर शुक्रवारबाट प्रदर्शनमा आएको चकलेटी हिरो सलिनमान बनिया अभिनीत दोस्रो चलचित्र ‘यात्रा’ आइतबार देशभरका हलमा हाउसफुल दर्शक भित्राएको छ । प्रदर्शनको पहिलो दिन नै देशभर ६० प्रतिशतमाथि अकुपेन्सी कायम गरेको चलचित्रले शनिबार देशभरका सिंगल स्क्रिन र मल्टीप्लेक्स दुबैतिर हाउसफुल व्यापार गरेको थियो । आइतबार चलचित्रले शुक्रबार र शनिबारको तुलनामा दोब्बर राम्रो व्यापार गरेको वितरकको दाबी छ ।

लामो समयदेखि फिल्म नचलिरहेको अवस्थामा ‘यात्रा’ ले नसोचेको व्यापार गरेको वितरक गोपालकाजी कायस्थले बताएका छन् । आइतबार चलचित्रका कलाकारहरुको साथमा राजधानीका केही हलमा दर्शक प्रतिक्रिया बुझ्न पुगेका वितरक कायस्थले भने- ‘६ महिनादेखि नेपाली चलचित्र राम्रोसँग चलेका थिएनन् । ‘ए मेरो हजुर ३’ र ‘यात्रा’ पनि नचलेको भए चलचित्र उद्योग धरासायी हुने निश्चित थियो । दुबै चलचित्रको व्यापार १८/१९ छ । शुक्रवारदेखि देशभरका हलमा ‘यात्रा’ हाउसफुल छ ।’


उनले चलचित्रको यकिन कलेक्सन रिपोर्ट प्राप्त नभएको भए पनि तीन दिनमा २ करोडको आसपास व्यापार गरेको हुनसक्ने वितरक कायस्थको अनुमान छ । दर्शकबाट राम्रो प्रतिक्रिया मिलेका कारण चलचित्र बक्सअफिसमा लामो रेसको घोडा बन्ने उनको विश्वास छ । आइतबार दिउँसो दर्शकसँग दोस्रो पटक गोपीकृष्ण हलमा प्रत्यक्ष साक्षात्कार गरेका अभिनेता सलिन निकै प्रफुलित देखिन्थे । उनले आफूहरुको मिहिनेतले रंग ल्याएकोमा खुसी व्यक्त गरे ।

‘दर्शकबाट प्राप्त सकारात्मक प्रतिक्रियाले उत्साहित भएको छु’, उनले भने- ‘यो नयाँ वर्षमा दर्शकसँग म छु र मसँग दर्शकहरु हुनुहुन्छ ।’ उनी आफूले नसोचेको दर्शकको साथ र माया पाएको बताउँछन् । उनलाई आफ्नो अगाडि देख्न पाउँदा गोपीकृष्ण हलमा घन्टौंदेखि टिकट लिन लाइनमा बसेका हजारौं दर्शकहरु पनि दंग देखिएका थिए । उनी गाडिबाट ओर्लिएपछि र हलको बालकुनीमा उभिएर हात हल्लाएपछि दर्शकहरुले ताली र हुटिङले न्यानो स्वागत गरेका थिए ।

गोपीकृष्णसँगै उनले अष्टनारायण पिक्चर्समा पनि पुगेर दर्शकसँग प्रत्यक्ष साक्षात्कार गरे । उनको एक झलक हेर्नका लागि अष्टनारायण हलको आँगनमा पनि दर्शकबीच तछाडमछाड नै चलेको थियो । संवाददाताहरुसँग केही गम्भीर भावमा उनले दर्शकबाट प्राप्त सकारात्मक प्रतिक्रियाले चलचित्र गर्दाको सबै दुःख विर्सिएको सुनाए । सलिनसँगै सलोन बस्नेत, मलिका महत, रेअर राई, प्रेक्षा बज्राचार्य, जान्वी बस्नेत र निर्देशक सम्राट शाक्य दर्शकको प्रतिक्रिया लिन हल-हल पुगेका थिए ।

यो चलचित्रमा भ्लगको माध्यमले युवापुस्तामा ल्याउन सक्ने परिवर्तन र गर्न सकिने सकारात्मक कामलाई देखाइएको छ । चलचित्रमा सलिनले पाँच पाँच पन्क्षी समुह लिड गरेका छन् । चलचित्रमा जयनन्द लामा, धिरेन शाक्य, राजाराम पौडेल, विशाल कटवाल, समृद्धि राई, योगेश जंग कुँवरलगायतका कलाकारहरुको अभिनय छ । कलाकार केशव भट्टराईसँगै चिज कुमार श्रेष्ठ पनि प्रस्तुतकर्ता रहेको चलचित्रका निर्माता सुशील पोखरेल हुन् । यो चलचित्रबाट मलिकाले राम्रो सम्भावना देखाएकी छन् ।

भिडियो :-

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu