कस्तो छ सलमानको ‘भारत’ ट्रेलर ? (भिडियो)



सलमान खान स्टारर चलचित्र ‘भारत’ को ट्रेलर सार्वजनिक भएको छ । चलचित्रमा कटरीना कैफ, दिशा पाटनी, तब्बू, ज्याकी श्राफ, सुनील ग्रोवर लिड रोलमा छन् । चलचित्र जून ५ मा रिलिज हुँँदैछ । अली अब्बास जफरको निर्देशनमा बनेको यो फिल्म कोरियन चलचित्र ‘ओड टू माई फादर’ को हिन्दी रिमेक हो । चलचित्रको टिजर र लुक पोस्टर्स पहिलादेखि नै चर्चामा छ ।

३ मिनेट ११ सेकेण्डको ट्रेलरको सुरुवात भारतका पहिला प्रधानमन्त्री जवाहरलाल नेहरूको संवादबाट भएको छ । ट्रेलर पावर प्याक्ड र एगेजिङ छ । पूरै ट्रेलरमा सलमान छाएका छन् । ट्रेलरमा उनीसँगै कटरीना, दिशा, सुनील र ज्याकीको झलक पनि देख्न पाइन्छ । सलमान र कटरीनाको रोमान्टिक केमेस्ट्री पनि देखाइएको छ ।


चलचित्रमा सलमानले भारतको रोल निभाएका छन्, जसको जिन्दगी पूरै रंगीन छ । चलचित्रमा भारतको जिन्दगीको ७१ वर्षको यात्रा देखाइएको छ । ट्रेलरमा सलमान र कटरीनाबीच फिल्मांकन गरिएको संवाद दमदार छ । कटरीनाको लुक्स इम्प्रेसिभ छ । सुनील र दिशालाई पनि ट्रेलरमा राम्रो ‘स्क्रिन स्पेश’ मिलेको छ । ब्याकग्राउण्ड म्यूजिक पनि उत्कृष्ट छ ।

ट्रेलरमा सलमानलाई पाँच अलग-अलग लुक्समा देख्न सकिन्छ । उनको यो मसला चलचित्रमा एक्सन, रोमान्स, देशप्रेम, कमेडीको फ्लेवर रहेको ट्रेलरबाटै प्रष्ट हुन्छ । ‘भारत’ ले बक्सअफिसमा नयाँ रेकर्ड बनाउने अनुमान गरिएको छ । यो त्यही चलचित्र हो, जसमा पहिला प्रियंका चोपडा लिड रोलमा थिइन् । उनले हात झिकेपछि कटरीनाको प्रवेश भएको थियो ।

ट्रेलर हेर्नुहोस् :-

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu