‘सम्हाली राख है’ को फस्टलुक पोस्टर सार्वजनिक



अभिनेता शित्तल केसीको प्रमुख भूमिका रहेको चलचित्र ‘सम्हाली राख है’ को फस्टलुक पोस्टर सार्वजनिक भएको छ । पोस्टरले फिल्म एक्सन र रोमान्सले भरिपूर्ण रहेको प्रस्ट्याउँछ । तारा शंकर फिल्मस् प्रालीको ब्यानरमा शंकर कार्कीको प्रस्तुति रहेको फिल्मलाई हरिकृष्ण महर्जनले निर्माण गरेका हुन् । फिल्मको सह-निर्मातामा श्यामकृष्ण महर्जन छन् ।

आरएल मोक्तान निर्देशित चलचित्रमा अर्जुन कुँवर, शितल केसी, राजेन्द्र गोपाली, आरोही बस्नेत, स्नेहशा कार्की, अन्जना खत्री, शंकर कार्कीलगायत कलाकारको अभिनय छ । चलचित्रमा बिक्रम कार्कीको कथा, ग्रिस रिजालको सम्पादन, देव महर्जनको एक्सन, जनक कार्की र राजेश शाहीको नृत्य, राजेश श्रेष्ठ र दीपक रमणको संगीत समेटिएको छ ।

शंकर अधिकारी घायल र दीपक रमणको शब्द रहेको गीत हिमाल सागर, अनु चौधरी र नित्या शिवाले गाएका छन् । हाल धमाधम डबिङ भइरहेको चलचित्र दशैं र तिहारको बीचमा प्रदर्शनमा आउने निर्माता हरिकृष्ण महर्जनले जानकारी दिए । युवायुवतीमा अहिले मौलाएको प्रेमकथालाई चलचित्रमा आकर्षक ढंगले देखाइएको निर्देशक मोक्तान बताउँछन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Bharatmani Regmi

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu