‘प्रेमगीत ३’ पोस्टरमा अनुभव र योगीशाको प्रेम



दर्शकको मनमा बस्न सफल चलचित्र ‘प्रेमगीत’ को तेस्रो श्रृंखलाको अहिले छायांकन चलिरहेको छ । यो चलचित्र छायांकनमा जानुभन्दा अगावैदेखि विभिन्न कारणले चर्चामा थियो । त्यो अझै पनि जारी छ । आउँदो चैत २८ गतेबाट प्रदर्शनमा आउन लागेको चलचित्रमा अभिनेता प्रदीप खड्का तेस्रो पटक ‘प्रेम’ को भूमिकामा देखिँदैछन् । भने, उनको अपोजिट अर्थात् ‘गीत’ को भूमिकामा क्रिस्टिना गुरुङ छिन् ।

तीन करोडको लागतमा बन्ने चलचित्रको इनडोर छायांकनका लागि निर्माण टिमले काठमाडौंको कीर्तिपूरमा भव्य सेट खडा गरेको थियो । त्यहाँ चलचित्रको करीब आधा छायांकन गरिएको छ । हालै चलचित्रको जम्बो टिम बाँकी छायांकनका लागि मनाङ पुगेको छ । यसबीच, निर्माण टिमले चलचित्रका दुई बाल कलाकार अनुभव रेग्मी र योगीशा खत्रीको क्यारेक्टर पोस्टर सार्वजनिक गरेको छ ।

चलचित्रमा अनुभव अभिनेता प्रदीपको बाल्यकाल अर्थात् ‘प्रेम’ को भूमिकामा रहेका छन् । भने, योगीशालाई अभिनेत्री क्रिस्टिनाको बाल्यकाल अर्थात् ‘गीत’ को भूमिकामा देख्न पाइनेछ । एउटा पोस्टरमा अनुभव र योगीशाको प्रेम देखाइएको छ । भने, अर्को पोस्टरमा अनुभव मात्र फिचर्ड छन्, जसमा उनलाई सोचनीय मुद्रामा देख्न सकिन्छ । उनको गेटअप निकै भिन्न छ ।

यो चलचित्रमा शिव श्रेष्ठ, प्रेम पुरी, लक्ष्मी बर्देवा, सुनिल थापा, सन्तोष सेन, माओत्से गुरुङ, पुस्कर कार्की, सम्वृद्धि शाही ठकुरीलगायतका कलाकारहरुको पनि अभिनय रहनेछ । चलचित्रलाई राजेश श्रेष्ठले खिचिरहेका छन् । चलचित्रलाई छेतेन गुरुङ र सन्तोष सेनले मिलेर निर्देशन गरिरहेका छन् । ‘प्रेमगीत ३’ डेढ सय वर्ष पुरानो प्रेमकथामा आधारित भएर निर्माण हुन लागेको छ ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Bharatmani Regmi

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu