‘चालबाज’ मा अविनाशसँग बाँधियो केकीको जोडी



‘छ माया छपक्कै’ को सफलतापछि नेपाली चलचित्रमा अभिनेत्री केकी अधिकारीको माग पुनः एकपटक चुलिएको छ । यसबीच, उनले नयाँ चलचित्र ‘चालबाज’ साइन गरेकी छन् । यो फिल्मको शनिबारबाट औपचारिक रुपमा छायांकन सुरु भएको छ । शुक्रबार कालेबुङको मिरिकमा पत्रकार सम्मेलन गर्दै चलचित्रको घोषणा गरिएको थियो । दार्जिलिङबाट चलचित्रको छायांकन सुरु भएको हो ।

अरुण तामाङको लगानीमा बन्न लागेको चलचित्रलाई कैलाश राइले निर्देशन गर्दैछन् । चलचित्रमा नायिका केकी अधिकारी, कलाकार वुद्दि तामाङको साथमा नव–कलाकार अविनाश प्रधानको मुख्य भूमिका रहनेछ । यी कलाकारको साथमा चलचित्रमा महेन्द्र बागदाश, चाँदनी प्रधान, सान्तिला तामाङको मुख्य भूमिका रहनेछ । सौरभ लामाको काँधमा चलचित्र खिच्ने जिम्मेवारी छ ।

सौरभ इन्टरनेन्मेन्ट र बलाली प्रोडक्शनको ब्यानरमा यो चलचित्रको निर्माण हुन लागेको हो । कमल राई र रामजी लामिछानेको नृत्य निर्देशन, दीपक शर्मा र अगोम गुरुङको संगीत रहने चलचित्रका गीत विपिन किरणले लेखेका छन् । ‘चालबाज’ लाई सस्पेन्स लभस्टोरी कथामा निर्माण गर्न लागिएको निर्माणपक्षले जानकारी दिएको छ । केकी चलचित्रलाई लिएर उत्साहित छिन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Bharatmani Regmi

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu