काजोलले शाहरुखसँग काम गर्न नमानेकी हुन् ?



बलिउडका किंग शाहरुख खानका फ्यानहरू लामो समयदेखि चलचित्रको पर्खाइमा छन् । शाहरुख चाँडै आफ्नो आगामी चलचित्र घोषणा गर्नेछन् पनि भनियो । उनका जन्मदिनदेखि नै फ्यानहरू यस समाचार पर्खिरहेका छन् । यसबीच, शाहरुखको मिल्ने साथी तथा अभिनेत्री काजोलले उनीसँग काम गर्न अस्वीकार गरेको खबर बाहिरिएको छ ।

हालै काजोललाई शाहरुख खानसँग चलचित्रको प्रस्ताव दिइएको समाचार बाहिरिएको थियो, जसका लागि काजोलले अस्विकृत गरिन् । एकातिर प्रशंसकहरूले शाहरुख र काजोलको जोडी मन पराउँछन्, त्यसमा उनले अस्वीकार गर्नु आश्चर्यजनक भएको छ । तर, यस समाचारको काजोलले खण्डन गरेकी छन् ।

काजोल आफैंले भर्खरै एक अन्तर्वार्तामा यस्तो केही नभएको स्पष्ट पारेकी छन् । उनले शाहरुखसँग काम गर्ने कुनै प्रस्ताव पाइनन् । उनले यी खबरहरुलाई गलत भएको बताइन् । शाहरुख खान र काजोल अन्तिम पटक चलचित्र ‘दिलवाले’ मा सँगै देखाएका थिए । दर्शकले दुबैको जोडी मन पराउँछन् ।

चलचित्र ‘दिलवाले दुल्हनियां ले जाएंगे’ आज पनि प्रत्येक दिन मुम्बईको एक थिएटरमा प्रदर्शन भैरहेको छ । शाहरुखको पछिल्लो चलचित्र ‘जीरो’ थियो, जुन नराम्रोसँग फ्लप भयो । यसपछि शाहरुखले विश्राम लिए तर अब फ्यानहरूले उनलाई नयाँ चलचित्र बनाउन अनुरोध गरिरहेका छन् । कति फ्यानले त चाँडै चलचित्र घोषणा नगरे आत्महत्या गर्ने धम्की समेत दिएका छन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Bharatmani Regmi

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu