चलचित्रकर्मी विपद् व्यवस्थापन कोष गठन



समस्यामा रहेको चलचित्रकर्मीलाई सहयोग गर्न चलचित्रकर्मी विपद् व्यवस्थापन कोष कार्यविधि निर्धारण समिति गठन भएको छ । चलचित्र विकास बोर्डका सदस्य नरेन्द्र महर्जनको संयोजकत्वमा गठित समितिको सदस्यमा मोहन निरौला, छवि ओझा, किशन पोखरेल, अर्जुन कुमार पोखरेल, राजेन्द्र उप्रेती, राजाराम गौतम, अमृत सुनुवार, जनक कार्की, देवेन्द्र खड्गीलगायत छन् ।

विपद् व्यवस्थापन कोष समितिले कार्यविधि निर्माण गरेर लागू गर्न चलचित्र विकास बोर्डमा बुझाइसकेको छ । विपद्‍मा परेका चलचित्रकर्मीलाई कोषले सहयोग गर्ने कार्यविधिमा उल्लेख छ । कोषको कार्यविधि निर्माण समितिले बाढी पहिरो, आगलागी, भूकम्प, आँधीबेरी, सरुवा रोगको महामारी, प्राकृतिक कारणले हुने दुर्घटना जस्ता दैवी प्रकोपलाई विपद् भनेर ब्याख्या गरेको छ ।

विपद्‍मा परेका चलचित्रकर्मीलाई राहतको व्यवस्था तथा समस्याहरुको समाधान गर्नका लागि कोष खडा गरिएको संयोजक नरेन्द्र महर्जनले बताए । यो कोषलाई कार्यविधि अनुसार सञ्चालन गर्न चलचित्र विकास बोर्डले स्विकृति दिनुपर्ने हुन्छ । बोर्डले स्विकृति दिएपछि समिति फेरबदल गरेर चलचित्रकर्मी विपद् व्यवस्थापन कोषको कार्यविधिलाई कार्यन्वयनमा ल्याइने महर्जनको भनाई छ ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu