एक्लोपनलाई दुर गर्ने गीत ‘केहि बोल न’ (भिडियो)



काठमाण्डौ। विश्वभर भयावह रुप लिएको कोरोना भाइरसले विश्वभर अर्को महामारीलाई जन्म दिइरहेको छ, त्यो हो मानिसक रोग । यसबाट कति मानिस प्रताडित भएका छन्, कुनै तथ्यांक छैन । कोरोनाले धेरै मानिसलाई चिन्ता र एकान्तमा पुर्‍याएको छ, जसका कारण धेरैमा मानसिक समस्या देखिन थालेको छ ।

हरेक दिन कोरोनाको संक्रमणबाट सयौँ मानिसको मृत्यु, आइसोलेसन र भय पैदा हुँदा विश्वव्यापी रूपमा मनोवैज्ञानिक चोट उत्पन्न भएको छ । जसका कारण डिप्रेसन, दुर्व्यबहार र आत्महत्याजस्ता समस्या बढेका छन् । यसबाट नेपाल पनि अछुतो छैन । यस्तैमा, कोरोनाले निम्त्याएको मानसिक समस्यालाई गायक विनित श्रेष्ठले ‘केही बोल न’ बोलको गीतमा उतारेका छन् ।

बिहीवार यूट्युबमा सार्वजनिक भएको गीतमा गायक श्रेष्ठकै शब्द तथा संगीत छ । भिडियोमा एक युवतीलाई एक्लोपनले सताउँदाको पीडा देखाइएको छ । कलात्मक शैलीमा खिचिएको भिडियोमा कृष्टि पौडेल फिचर छिन् । उनको अभिनय मनछुने छ । बाबु श्रेष्ठले खिचेको भिडियोलाई जीवन थापाले सम्पादन गरेका हुन् । अभि श्रेष्ठ निर्देशित भिडियोमा दीपेन्द्र ठकुरीको कोरियोग्राफी छ ।

सारंगीको धुनले गीतलाई थप मिठासपूर्ण बनाएको छ । अहिलेको समयमा धेरैले भोग्दै आएको समस्यालाई गीतमार्फत् भन्न खोजिएको गायक श्रेष्ठले बताए । यूट्युबमा गीत सार्वजनिक भएसँगै दर्शकबाट उम्दा प्रतिक्रिया मिलेको छ । मानसिक समस्यामा रहेकालाई गीतले सकारात्मक सन्देश प्रवाह गर्ने गायक श्रेष्ठको विश्वास छ ।

गीत हेर्नुहोस्:

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu