दशैंमा टिभीमा हेर्नुहोस् ‘समर लभ’



सुबिन भट्टराईको चर्चित कृति ‘समर लभ’ मा आधारित चलचित्र ‘समर लभ’ फूलपातीबाट स्याटलाइटमा रिलिज हुने भएको छ । निर्देशक मुस्कान ढकालले चलचित्र दशैंको अवसर पारेर फूलपातीबाट डिसहोममार्फत् सार्वजनिक हुने जानकारी गराए । ढकालका अनुसार, चलचित्र डिसहोमको च्यानल नम्बर ८ मा हेर्न सकिनेछ ।

ढकालले दशैंमा चलचित्र हेर्ने दर्शकको परम्परालाई जिवन्त राख्न टिभीमै भए पनि रिलिज गर्न लागेको जानकारी गराए । ‘दसैंमा नेपाली चलचित्र हेर्ने दर्शक परम्परा रही आएको छ । यो साल महामारीका कारण नयाँ चलचित्र रिलिज हुन सकेका छैनन् । दसैं खल्लो नहोस् भनेर हामीले टिभीमै भए पनि रिलिज गर्ने निर्णय गरेका हौं,’ मुस्कानले भने । दर्शकले २ सय २५ मा चलचित्र हेर्न सक्नेछन् ।

डिसहोमको प्रदर्शनपछि चलचित्र म्याक्स प्लेयर र नेट टिभीमा पनि रिलिज गर्ने तयारी भइरहेको छ । मुस्कानले चलचित्र तत्कालै युट्युबमा भने रिलिज नहुने जानकारी गराएका छन् । सुरज सिंह ठकुरी, आशिष पिया, रेवती क्षेत्री, शिशिर भण्डारी आदि कलाकारको अभिनय रहेको चलचित्र गत सालको माघ २५ मा हलमा रिलिज भएको थियो । चलचित्रमा सञ्जय लामाको छायांकन र पुष्पन प्रधानको संगीत रहेको छ ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu