जन्मदिनमा श्रीमानसँग रोमान्टिक दीपिका



अभिनेत्री दीपिका प्रसाईंले आफ्नो जन्मदिन सेलिब्रेट गरेकी छन् । कोरोनाका कारण यसपालीको जन्मदिन उनको परिवारसँग मात्र सीमित भएको छ । श्रीमान दीवाकर भट्टराईसँग उनले काभ्रेको एक रिसोर्टमा जन्मदिन सेलिब्रेट गरेकी छन् । दीपिकाले श्रीमानको साथमा जन्मदिन मनाएका तस्विरहरु सामाजिक सञ्जालमा पोस्ट्याएकी छन् । तस्विरमा उनीहरु रोमान्टिक मुडमा देखिएका छन् ।

आफ्नै श्रीमानले निर्देशन गरेको चलचित्र ‘ऐश्वर्य’ बाट दीपिकाले अभिनेत्रीको रुपमा डेब्यू गरेकी थिइन् । यसमा उनको जोडीको रुपमा रमेश उप्रेती थिए । यो चलचित्रमा काम गर्दै गर्दा उनी दीवाकरको प्रेममा डुबेकी थिइन् । ‘ऐश्वर्य’ ले व्यापारिक सफलता मात्र प्राप्त गरेन, दीपिकाको अभिनयको पनि प्रशंसा भयो । यसपछि उनले दोस्रो चलचित्रको रुपमा ‘छक्का पञ्जा ३’ मा काम गरिन् ।

उनले दोस्रो चलचित्रबाट पनि निराशा भोग्नु परेन । ‘छक्का पञ्जा ३’ उनको करिअरकै सबैभन्दा ब्लकबस्टर चलचित्र सावित भयो । दुई चलचित्रको सफलताले करिअरको उचाईमा पुगेकी उनी बैबाहिक जीवनमा बाँधिएपछि भने अभिनयमा सुस्ताएकी छन् । ‘छक्का पञ्जा ३’ प्रदर्शन लगत्तै उनले दीवाकरसँँग लगनगाँठो कसिन् । यसपछि उनी अभिनीत नयाँ चलचित्र प्रदर्शनमा आएका छैनन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu