नेपाल फर्केसँगै वर्षाले थालिन् ‘परदेशी २’ को सुटिङ



दशैंको टिका थापेर अमेरिका उडेकी अभिनेत्री अभिनेत्री वर्षा सिवाकोटीले नेपाल फर्किएसँगै चलचित्र ‘परदेशी २’ को छायांकन सुरु गरेकी छन् । बिहीवारबाट उनले चलचित्रको सुटिङ सेट ज्वाइन गरेकी हुन् । मंसिर ११ गतेदेखि चलचित्रको पाल्पाबाट छायांकन सुरु भएको थियो । पाल्पाको छायांकन सकेर निर्माण टिम बुधवार चितवन फर्किएको छ । पाल्पामा भएको छायांकनमा वर्षाको सिन थिएन ।

आठ महिनापछि चलचित्रको सेटमा फर्किन पाएकोमा उनले खुसी व्यक्त गरेकी छन् । निषेधाज्ञा खुकुलो भएपछि विभिन्न म्यूजिक भिडियोमा काम गरेकी उनी लकडाउनभन्दा अगाडि ‘परदेशी २’ कै छायांकन गरिरहेकी थिइन् । अब यो चलचित्रको छायांकन अन्तिम चरणमा पुगेको निर्देशक नारायण रायमाझीले बताएका छन् । चितवनपछि चलचित्रको केही सिन जनकपुरमा खिचिनेछ ।

चलचित्रमा वर्षाका अलावा दीलिप रायमाझी, प्रशान्त तामाङ्ग, प्रकाश सपूत, केकी अधिकारी, नीर शाह, रमा थपलिया, देबेन्द्र बब्लूलगायतका कलाकारहरुको अभिनय रहेको छ । रमेश विजीले तयार पारेको कथामा निर्माण भइरहेको चलचित्रलाई निर्देशक रायमाझी र राजेश वंशलले निर्माण गरेका हुन् । चलचित्रमा विभिन्न कारणले विदेशिन बाध्य नेपालीहरुको कथालाई समेटिएको बताइएको छ ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu