१३ वर्षपछि सिनेमा हलमा ‘सानो संसार’



प्रेम गर्नेहरुको महत्वपूर्ण दिन मानिने भ्यालेन्टाइन डेको अवसर पारेर सन् २००८ मा प्रदर्शन भएको स्वर्गीय आलोक नेम्वाङ निर्देशित चलचित्र ‘सानो संसार’ १३ वर्षपछि सिनेमा हलमा पुनः प्रदर्शनमा आएको छ । शुक्रवारबाट क्यूएफएक्सहित विभिन्न मल्टीप्लेक्स हलमा चलचित्र रि-रिलिज भएको हो । चलचित्रमा कर्मा, नम्रता श्रेष्ठ, नीर शाह, विनय श्रेष्ठ, जीवन लुईटेलको मुख्य भूमिका छ ।

क्यूएफएक्सका मालिक नकिम उद्दिन, राजेश सिद्धि र भाष्कर ढंगानाले निर्माण गरेको चलचित्र त्यसबेला समीक्षात्मक रुपमा अब्बल ठहरिएको थियो । यो नेपालमा निर्माण भएको दोस्रो डिजिटल चलचित्र समेत हो । यही चलचित्रबाट नम्रताले अभिनेत्रीको रुपमा डेब्यू गरेकी थिइन् । सन् २०१३ मा यूट्युबमा सार्वजनिक भइसकेको ‘सानो संसार’ रवि (कर्मा) र ऋतु (नम्रता) को वरिपरी घुमेको छ ।

कोरोनाका कारण सरकारले लकडाउन घोषणा गरेपछि ९ महिनासम्म बन्द भएका सिनेमा हल पुष १० गतेबाट सञ्चालनमा आए पनि दर्शकको उपस्थिति उत्साहजनक छैन । नयाँ नेपाली चलचित्र ‘एउटा यस्तो प्रेम कहानी’ र साउथ चलचित्र ‘मास्टर’ ले समेत हलमा दर्शक तान्न सकेन । अब सबैको आश चैत २७ मा रिलिज हुने तीन चलचित्र ‘मनसँग मन, कृष्ण लीला र लप्पन छप्पन २’ मा छ ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu