भदौ १८ मा आउने भयो ‘ए मेरो हजुर ४’



अभिनेता अनमोल केसी र अभिनेत्री सुहाना थापा स्टारर चलचित्र ‘ए मेरो हजुर ४’ को प्रदर्शन मिति घोषणा गरिएको छ । यही फागुन २७ गतेबाट बाँकी छायांकन सुरु गर्न लागेको निर्माण टिमले सोमवार एक पोस्टर सार्वजनिक गर्दै आउँदो भदौ १८ गतेलाई प्रदर्शन मिति घोषणा गरेको हो । महिलाहरुको महान पर्व हरितालिका तीजको छेकोमा चलचित्र प्रदर्शनमा आउन लागेको हो ।

प्रदर्शन मितिसहित सार्वजनिक गरिएको पोस्टरमा अनमोल र सुहाना रोमान्टिक देखिएका छन् । पोस्टरमा अनमोलले चुम्बन गर्न खोज्दा सुहाना लजाएको देखिन्छ । कोरोना महामारी नभएको हुन्थ्यो भने यो चलचित्र यसपालीको दशैंमा प्रदर्शनमा आइसकेको हुने थियो । तर, कोरोनाका कारण छायांकन पूरा नभएपछि चलचित्रको प्रदर्शन अनिश्चिलकालका लागि स्थगित गरिएको थियो ।

अभिनेत्री झरना थापा निर्देशित चलचित्रका निर्माता सुनिल कुमार थापा हुन् । चलचित्रमा सलोन बस्नेतको पनि मुख्य भूमिका छ । सञ्जय लामा छायाँकार रहेको चलचित्रको निर्माण लागत डेढ करोड नाघ्ने अनुमान गरिएको छ । लकडाउनको समयमा निर्माण टिमले गायक दुर्गेश थापालाई विशेष भूमिकामा अनुबन्ध गरेको थियो । चलचित्रमा उनको केही सिन र एक गीत रहने बताइएको छ ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu