अभिनेत्री गरिमा पन्तले दिइन् छोरीलाई जन्म



अभिनेत्री गरिमा पन्त छोरीकी आमा बनेकी छन् । मंगलवार फेसबुकमा छोरीसँगको एक तस्विर सार्वजनिक गर्दै उनले आफू आमा बनेको जानकारी दिएकी हुन् । उनले फेसबुकमा लेखेकी छन्, ‘तिम्रो आगमनले हामी धन्य अनि भरिपूर्ण भएका छौं । छोरी प्रिषा, तिमिलाई यो सुन्दर धर्तीमा स्वागत ।’

गरिमाले छोरीसँँगको तस्विर सार्वजनिक गरेपछि चलचित्रकर्मी र शुभचिन्तकबाट बधाईको ओइरो लागेको छ । २०७३ सालमा बेल्जियम बस्ने हरि थपलियासँग विवाह गरेपछि उनी अभिनयमा सक्रिय छैनन् । विवाह लगत्तै उनले श्रीमानसँँग मिलेर बेल्जियममा नै ‘गरी सुसी’ नामक रेष्टुरेन्ट खोलेकी थिइन् ।

कोरोना महामारीभन्दा अगाडि पारिवारिक भेटघाटका लागि नेपाल आएकी गरिमा पछिल्लो पटक चलचित्र ‘तीन घुम्ती’ मा देखिएकी थिइन् । २०७० सालमा रिलिज भएको चलचित्र ‘झोला’ बाट राष्ट्रिय अवार्डसहित सार्क फिल्म फेस्टिभलमा उत्कृष्ट अभिनेत्रीको अवार्ड समेत जितेकी उनी सोझी र भलाद्मी अभिनेत्रीको रुपमा परिचित छिन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu