दीपक-दीपासँग मिलेर रोहितले ‘कालो कोट’ बनाउने. भिलेनमा सौगात !



२०७६ को सुपरहिट चलचित्र ‘छ माया छपक्कै’ पछि निर्माता रोहित अधिकारीले दीपकराज गिरी र दीपाश्री निरौलाको ‘छक्का पञ्जा’ टिमसँग फेरि सहकार्य गरेर नयाँ चलचित्र बनाउने तयारीमा जुटेका छन् । अहिले दुईवटा चलचित्रको स्क्रिप्ट लेखनमा काम भइरहेको छ, जसमध्ये एउटा चलचित्रको नाम ‘कालो कोट’ हो । यो चलचित्रको स्क्रिप्टलाई प्रदीप भारद्वाजले लेखिरहेका छन् ।

निर्माता अधिकारीले चलचित्रको कथा राम्रो भएकाले अहिले स्क्रिनप्लेमा काम भइरहेको बताए । उनले भने- ‘कथा हामीलाई एकदमै राम्रो लागेको छ । स्क्रिनप्ले (पटकथा) पनि सोचेको जस्तो निस्कियो भने चलचित्र बन्छ ।’ लेखक भारद्वाजले कथासँग मिल्ने गरी चलचित्रको नाम ‘कालो कोट’ जुराएका हुन् । तर, ‘छक्का पञ्जा’ टिमलाई फापेको ‘छ’ नामबाटै चलचित्रको नाम राख्न खोजिएको छ ।

चलचित्रलाई कसले निर्देशन गर्ने भन्ने टुंगो नभइसके पनि ‘झ्यानाकुटी’ निर्देशक सिमोस सुनुवारको पल्ला भारी छ । चलचित्रमा ‘छक्का पञ्जा’ समुहका कलाकारहरुको नै अभिनय रहनेछ तर जितु नेपालबाहेक । स्क्रिनप्ले ‘लक’ भएपछि चलचित्रमा भिलेनको भूमिकामा सौगात मल्ललाई लिने सोचमा निर्माण टिम छ । त्यस्तै, चलचित्रमा तीन जना स्थापित अभिनेत्रीहरु रहनेछन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu