बैशाख अन्तिममा ‘चिसो मान्छे’



कोरोना महामारीका कारण लामो समयदेखि बन्द अवस्थामा रहेका सिनेमा हलहरु असोज २१ गते घटस्थापनाबाट खुलेपछि अभिनेत्री स्वस्तिमा खड्का अभिनीत चलचित्र ‘चिसो मान्छे’ ले प्रदर्शन मिति घोषणा गरेको छ । चलचित्रले आउँदो वर्षको बैशाख ३० गतेलाई प्रदर्शन मिति रोजेको हो । यो चलचित्र गत वर्षको भदौमै प्रदर्शनमा आउने तयारीमा थियो । तर, कोरोनाका कारण रिलिज रोकियो ।

शनिवार निर्माण टिमले प्रदर्शन मिति घोषणा गर्दै चलचित्रको थिम पोस्टर सार्वजनिक गरेको छ । जसमा दुर्गम भेगको एक रुखको चौतारामा विदेशबाट मृत शरीर बोकेर आएको रातो बाकस र त्यसमाथि कालो रंगको लगेज ब्याग देख्न सकिन्छ । वैदेशिक रोजगारीको शिलशिलामा मृत्य भएर बाकसमा फर्किएकाहरुको कथा चलचित्रले वाचन गर्ने पोस्टरमार्फत् प्रस्ट्याउन खोजिएको छ ।

‘आमा’ निर्मात्री शर्मिला पाण्डेको एकल लगानीमा निर्माण भएको चलचित्रमा अभिनेता अर्पण थापा पनि मुख्य भूमिकामा छन् । यस्तै, चलचित्रमा देशभक्त खनाल, आशान्त शर्मा, झकेन बीसी लगायतका कलाकारहरुको पनि अभिनय रहेको छ । चलचित्रको निर्देशन, कथा, पटकथा, संवाद र छायांकन दीपेन्द्र के. खनाल आफैंको हो । उनले आफूले सोचेको जस्तै चलचित्र बनेको बताएका छन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu