‘डाँडाको बर पीपल’ को ‘सालैको पातले’ रिलिज रिलिज



असोज २६ गते फूलपातीका दिनबाट देशव्यापी प्रदर्शनमा आउन लागेको शोभित बस्नेत निर्देशित चलचित्र ‘डाँडाको बर पीपल’ को तेस्रो गीत सार्वजनिक गरिएको छ । ‘सालैको पातले’ बोलको गीतमा शिव मुखियाको स्वर तथा संगीत रहेको छ भने नवराज गिरीको शब्द छ । रामजी लामिछानेले कोरियोग्राफी गरेको गीतको भिडियोमा सलोन बस्नेत र रुविना थापा फिचर छन् ।

गीतमा सलोनलाई गोठोलेको रुपमा प्रस्तुत गरिएको छ । उनलाई डाँडा-पाखामा गाई-बाख्रा चराउँदै देख्न सकिन्छ । गीतमा दुःख गरे स्वदेशमै राम्रो कमाई गर्न सकिने भन्दै परदेश नजान पनि भनिएको छ । गीतका शब्दहरु निकै मनछुने छन् । यो गीतलाई चलचित्रमा कथावाचनको रुपमा प्रयोग गरिएको निर्देशक बस्नेतले जानकारी दिए । नवराज गिरीले चलचित्रको निर्माण गरेका हुन् ।

यो चलचित्रमा शिव श्रेष्ठ, भुवन केसी, गौरी मल्ल, अस्मिता जुरेली, हिउँवाला गौतम, उतम केसी, संगम भण्डारी, प्रभात पल, अस्मी थापा, प्रदीप गिरी, सुशान्तकुमार श्रेष्ठ लगायतको पनि अभिनय छ भने नवराज गिरीको कथा, रामकाजी घिमिरेको स्क्रिप्ट, सुशान्त प्रजापतिको छायांकन, रोशन श्रेष्ठको द्वन्द्व र मित्रदेव गुरुङको सम्पादन छ । चलचित्रको कार्यकारी निर्माता सरस्वती गिरी हुन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu