‘काँडेतार’ मा रेविका गुरुङ



यही तिहारपछि छायांकनमा जान लागेको चलचित्र ‘काँडेतार’ मा अभिनेत्री रेविका गुरुङ अनुबन्ध भएकी छन् । शनिवार निर्देशक तथा निर्माता नवल खड्काले उनीसँग कागजी सम्झौता गरेका हुन् । चलचित्रमा उनको जोडी गौरव पहारीसँग बाँधिनेछ । दशैंअघि नै निर्देशक खड्काले गौरवलाई चलचित्रका लागि मुख्य नायकमा अनुबन्ध गरेका थिए । चलचित्रमा नवलको पनि अभिनय रहनेछ ।

रेविकाले यसअघि चलचित्र ‘मारुनी’ मा अभिनेता पुष्प खड्काको जोडीको रुपमा काम गरेकी थिइन् । चलचित्र असफल भए पनि उनको कामको प्रशंसा भएको थियो । यसपछि उनी निर्देशक मिलन चाम्सको ड्रिम्स प्रोजेक्ट ‘गार्खा वारियर २’ मा अनुबन्ध भइन् । यो चलचित्र कोरोना महामारीका कारण छायांकनमा निस्कन सकेको छैन । उनी ‘काँडेतार’ लाई लिएर निकै उत्साहित छिन् ।

चलचित्रको बारेमा नवल भन्छन्, ‘नेपाल-भारतको सिमानामा काँडेतार लगाउनुपर्छ भन्ने विषय फिल्मले उठाउनेछ । यसले दुई मुलुकबीचका नागरिक र भूमिको संरक्षण मात्रै गर्दैन असल छिमेकीसँगको सद्भाव कायम राख्छ भन्ने फिल्मको भाव हो । फिल्मले राष्ट्रलाई पनि झकझकाउने छ ।’ नेपाल र भारत सीमामा खिचिने यस चलचित्रलाई नवल र शंकर कार्कीले मिलेर निर्देशन गर्नेछन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu