के फेरि सहकार्य गर्दैछन् ‘जीवनदाता’ का तीन नायक ?



एक समय नेपाली चलचित्र क्षेत्रमा आफ्नो बलियो उपस्थिति जनाएका नायक हन्, विराज भट्ट र रमित ढुंगाना । एक्सन भूमिकामा सर्वाधिक रुचाइएका यी दुईको करिअरको सुरुवात पनि लगभग एकै समयमा भएको थियो । ‘देवर बाबु, दुर्गा, ट्याक्सी ड्राइभर, हिम्मत’ लगायतका चलचित्रमा उनीहरुले एकसाथ काम पनि गरे । चलचित्रबाट जोडिएको उनीहरुको मित्रता अहिले पनि उतिक्कै राम्रो छ ।

काठमाडौंमा रहँदा विराज र रमितबीच प्रायः भेटघाट भइरहेको हुन्छ । दुवैको एकअर्काको परिवारसँग पनि निकै राम्रो सम्बन्ध रहेको बताइन्छ । तर, विगत एक दशकभन्दा लामो समयदेखि उनीहरुलाई दर्शकले एकसाथ ठूलो चलचित्रमा हेर्न पाएका छैनन् । पछिल्लो समय विराज नेपालीभन्दा भोजपुरी चलचित्रमा बढी व्यस्त छन् भने रमितले त चलचित्रमा काम नगरेकै वर्षौ भइसकेको छ ।

दर्शकहरुले विराज र रमितलाई फेरि चलचित्रमा हेर्ने इच्छा व्यक्त गरिरहेको अवस्थामा शुक्रवार इटहरी (सुनसरी) मा उनीहरुको जम्काभेट भएको छ । दुई हप्तादेखि एक भोजपुरी चलचित्रको छायांकनका लागि नेपालमा रहेका विराजसँग रमित र उनका दाई तथा नायक राजेश ढुंगानाको भेट भएको हो । उनीहरु तिनै जनाले सुपरहिट चलचित्र ‘जीवनदाता’ मा एकसाथ काम गरेका थिए ।

विराज र राजेशको काँधमाथि हात राखेको तस्विर फेसबुकमा पोस्ट गर्दै रमितले क्याप्सनमा ‘जीवनदाता’ लेखेका छन् । यो भेटले उनीहरुलाई चलचित्रमा सँगै काम गर्दाको क्षण स्मरण गराएको हुनसक्छ । रमितको फेसबुक पोस्टमा प्रायःले ‘जीवनदाता २’ लिएर आउन आग्रह गरेका छन् । उक्त भेटमा उनीहरुबीच फेरि चलचित्रमा सहकार्य गर्ने विषयमा कुरा पनि भएको जानकारी प्राप्त छ ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu