अर्जुन कुमार भन्छन्, ‘साउथ चलचित्रको हिन्दी डबदेखि किन तर्सिनु ?’



कोरोना महामारीका कारण दर्शकहरुले लामो समयदेखि नेपाली चलचित्र हलमा गएर हेर्न पाएका छैनन् । दशैंमा चलचित्र ‘डाँडाको वरपीपल’ प्रदर्शनमा आए पनि दर्शक हलसम्म पुगेनन् । आगामी पुष २ गतेबाट भने दर्शकमाझ प्रतिक्षीत रहेको चलचित्र ‘चपली हाइट ३’ रिलिज हुँदैछ । यो चलचित्रप्रति दर्शकको मात्र नभइ सिंगो चलचित्र क्षेत्रको नजर अडिएको छ ।

तर, ‘चपली हाइट ३’ लाई बक्सअफिसमा साउथ चलचित्र ‘पुष्पा’ हिन्दी डबले चुनौती दिँदैछ भने एक हप्तापछि नेपाली चलचित्र ‘चुरिफुरी’ पनि भिड्दैछ । हल व्यवसायी र वितरकहरुको संस्था नेपाल चलचित्र संघले हलहरु खोल्ने निर्णय गर्दा नेपाली चलचित्रमाथि विदेशी फिल्म नजुधाउने र दुई हप्ताको अन्तरमा मात्र नेपाली चलचित्र रिलिज गर्ने बताएको थियो । तर, संघको निर्णय वितरकले नै वेवास्था गरेका छन् ।

‘चपली हाइट ३’ का निर्माता अर्जुन कुमार साउथ चलचित्रको हिन्दी डब ल्याउनु नेपाली चलचित्रप्रति गद्दारी रहेको बताउँछन् । उनी भन्छन्, ‘साउथ चलचित्रको हिन्दी डब जुन वितरकले ल्याउँछ, त्यो गद्दार हो । हिन्दी चलचित्र आउँदा हामीले केही भनेका थिएनौं । अब साउथको हिन्दी डब ल्याएर नेपाली चलचित्रलाई जिस्काउन खोज्दैछन् । ती मान्छेहरु नेपाली चलचित्र क्षेत्रका लागि घातक हुन् ।’

पहिला आफूलाई चलचित्र रिलिज गर्न उक्साउने वितरकहरुले नै अहिले आफ्नै चलचित्रमाथि अरु फिल्म जुधाउन खोजेको उनको आरोप छ । तर, साउथ चलचित्रको हिन्दी डबबाट आफू नतर्सिने उनी बताउँछन् । एकरदुई लाखमा हिन्दी डब नेपाल ल्याएर वितरकहरुले नेपाली निर्मातालाई तर्साउन खोजेको भए पनि नेपाली दर्शकले नेपाली चलचित्रलाई नै माया गर्नेमा उनी विश्वस्त छन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu