२५ लाख पुरस्कार सहित सांगीतिक रियालिटी शो ‘नेपाली तारा’को तेश्रो सँस्करण हुने



Nepalitara1

ठुलोपर्दा डटकम, काठमाण्डौ ।
नेपाली सांगीतिक रियालिटी शो ‘नेपाली तारा’को तेश्रो सँस्करण हुने भएको छ । जसका लागि भाद्र दोश्रो साता देखी अडिसन सुरु हुनेछ । सोमवार राजधानीमा आयोजित पत्रकार सम्मेलनमा सन् २००५ बाट सुरु भएको उक्त रियालिटी शो तेश्रो सँस्करणमा आइपुग्न विविध कारणले गर्दा ढिला भएको जानकारी गराईयो । ‘नेपाली तारा’ नेपालको सबैभन्दा ठुलो सांगीतिक रियालिटी शो भएको दावी गरेको छ ।

वरिष्ठ संगीत निर्देशक प्रकाश गुरुङ्, वरिष्ठ संगीत कम्पोजर तथा गीतकार शुरेस अधिकारी र प्रसिद्द गायक रामकृष्ण ढकाल ‘नेपाली तारा ३’को मूख्य निर्णायक रहेका छन् । साथै गायक तथा संगीतकार जेम्स प्रधान र राजन इशानले अन्तिम २० जना प्रतियोगिलाई मेन्टोर जजको रुपमा प्रशिक्षण दिने बताईएको छ ।

भाद्र दोश्रो हप्ता अडिसनको पहिलो भाग अन्तर्गत काठमाण्डौको डिल्लीबजार, नयाँबजार र चावहिलका साथै ललितपुर, भक्तपुर, पोखरा, धरान, बुटवल र नारायणगढमा हुनेछ । त्यस्तै वाइल्ड कार्ड इन्ट्रिको लागि मोबाइल अडिसन पनि गर्न लागिएको बताईएको छ ।

Nepalitara2

यस प्रतियोगिताको बिजेताले एक थान मोटरसाइकल सहित रु. २ लाख ५१ हजार नगद पुरस्कार र नेपाली ताराको रुपमा ३ वटा गीत गाउने अवसर पाउने छन् । अन्तिम १० प्रतियोगी प्रत्येकले रु. ११ हजार नगद पुरस्कारका साथ बिशेष टप १० एल्बममा एउटा गीत गाउन पाउनेछन् । अन्तिम २० प्रतियोगीहरुले मुख्य साझेदारद्वारा म्यूजिक स्टाइल र व्यक्तित्व विकासको मौका पाउनेछन् । ‘नेपाली तारा’ विजेताले अष्ट्रेलिया ट्रिपमा जान र सिड्नी र मेलवर्नमा हुने कन्सर्टमा प्रस्तुती दिने मौका पाउनेछन् ।

यो गायन प्रतियोगिताका सबै विजेताले समग्रमा २५ लाख बराबरको पुरस्कार प्राप्त गर्नेछन् । पुरस्कारको राशी बढ्न सक्ने आयोजकले बताएको छ । मल्टिनेशनल कम्पनी कोकाकोलाले ‘नेपाली तारा’को तेश्रो सँस्करणलाई प्रायोजन गरेको छ ।

नेपाली ताराको पहिलो सँस्करणमा अहिलेका प्रख्यात गाएक दिपक लिम्बु विजेता भएका थिए भने अर्की प्रख्यात गायिका इन्दिरा जोशी महिला तर्फ विजेता भएकी थिइन् । त्यस्तै दोश्रो सँस्करणमा अहिलेका व्यस्त गायक सन्तोष लामा विजेता भएका थिए ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu