अञ्जु पन्तले मागिन् माफी



anju-panta

ठुलोपर्दा डटकम, काठमाण्डौ ।
हिन्दुवादी भन्दै दशै गीत नगाएको समाचार बाहिरिएपछि चर्को आलोचना खेपेकी गायिका अञ्जु पन्तले सबैसँग माफी मागेकी छिन् ।

आफुबाट जान-अञ्जानमा केही भुल भएको भए माफी दिनहुन उनले आफ्ना संगीतप्रेमी दर्शक, श्रोता र सम्पुर्ण धर्मावलम्बीहरुलाई आग्रह गरेकी छिन् । एक हस्तलिखित भनाई सार्वजनिक गर्दै अञ्जुले आफुले अहिलेसम्म कुनै धर्मलाई होच्याउने र घृणा गर्ने काम नगरेको र कहिल्यै नगर्ने बताएकी छिन् ।

आफ्नो विषयमा आएको समाचारप्रती निकै दुखी रहेको बताउँदै उनले आउँदै गरेका सबै धर्मालम्बीका सबै चाडहरुको शुभकामना समेत दिएकी छिन् ।

अञ्जुले गीतकार सहदेव कोइरालाको शब्दलाई ‘हिन्दुवादी’ भन्दै गीत गाउन अस्वीकार गरेको समाचार बाहिरिएको थियो ।
गीतका शब्द यस्ता थिएः
सुख र शान्ती जिवनमा ओठमा हासो छाओस्
दुर्गा माताको आर्शिवादले सोचेजस्तै पुग्दै जाओस्
पुकार्दै मनले नवदुर्गालाई गर्दै कामना
यो दशैको सबैसबैलाई छ शुभकामना

यता अञ्जु पन्तले हिन्दवादी गीत भन्दै गाउन अस्वीकार गरेकोमा शिवशेना नेपालले घोर भ्रत्सना गरेको छ । ‘८५ प्रतिशत हिन्दु र ९५ प्रतिशत ॐकार भएको देशमा यस्तो अपहेलित शब्द प्रयोग गर्नु भनेको नेपाली कलालाई मात्र नभएर नेपाल राष्ट्रको नै अपमान भएको छ’, अध्यक्ष अनिल बस्नेतद्धारा जारी विज्ञप्तीमा भनिएको छ ।

विज्ञप्तीमा अञ्जु पन्तजस्ता अतिवादी धार्मिक व्यक्तीलाई कला जस्तो पवित्र क्षेत्रमा रहिरहने अधिकार नभएको भन्दै विरोध गरेको छ ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu