भुवनको लगानी र निर्देशनमा बन्दै ‘ड्रिम्स’



Anamol-Bhuwan

ठुलोपर्दा डटकम, काठमाण्डौ ।
आफ्नो अभिनयले लाखौं दर्शक माझ राज गरेका नायक भुवन केसी चलचित्रमा अभिनय गर्न मात्र होइन चलचित्रमा लगानी गरेर सफलता पनि प्राप्त गरेका व्यक्तिका रुपमा चिनिन्छन् । अब फेरी भुवनले आफ्नो छोरा अनमोल केसीलाई लिएर चलचित्र ‘ड्रिम्स’ निर्माण गर्ने भएका छन् ।

फागुनको १० गतेबाट छायांकन सुरु हुने बताइएको चलचित्र ‘ड्रिम्स’लाई भुवन केसीले निर्माण र निर्देशन गर्नेछन् । फिल्मको सुटिङ काठमाडौं सहित पोखरामा हुने बताईएको छ । होस्टेल र जेरी चलचित्रबाट दर्शक माझ स्टार अनमोलका नामले परिचित भुवनका छोरा अनमोलको मुख्य भुमिका चलचित्रमा हुने भएका कारणले पनि चलचित्र ‘ड्रिम्स’ विषेश चलचित्र रहने चलचित्र क्षेत्रका जानकारहरु बताउँछन् ।

तीन दशकको लामो चलचित्रको अनुभव पछि पहिलो पटक चलचित्र निर्देशन गर्न लागेको भुवनले चलचित्रको कुन नायिका रहनेछिन् भन्ने विषयमा चाहिँ खुलाएका छैनन् । काजोल फिल्मसका अनुसार चलचित्रका लागी अरु कलाकारहरुको पक्का भएपछि एक औपचारिक कार्यक्रमका विच नायिकाको घोषणा गरिने बताएको छ ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu