नाकाबन्दीको विरुद्ध भारतीय चलचित्रकर्मीहरुलाई बोल्न आग्रह गरिने

ठुलोपर्दा डटकम, काठमाण्डौ।
भारतल झण्डै तिन महिनादेखी नेपालमा गरिरहेको अघोषित नाकाबन्दीको विरुद्धमा भारतीय चलचित्रकर्मीहरुलाई पनि बोल्न आग्रह गरिने भएको छ । चलचित्रकर्मी राष्ट्रिय जागरण अभियानका अनुसार भारतले गरिरहेको नाकाबन्दीको विषयमा भारतीय चलचित्रकर्मीलाई पनि बोल्न लगाइने बताइएको छ ।

नाकाबन्दीले खाद्यान्न लगायत औषधिको चरम अभाव भएको भन्दै अभियानले सरकारलाई कुटनितीक पहल गर्न आग्रह समेत गरेको छ । मुलुक जटिल अवस्थामा रहेको बेला चलचित्रकर्मी मुक दर्शक बनेर बस्न नहुने भन्दै जागरण अभियान सुरु गरिएको कलाकार हरिहर शर्माले जानकारी दिए ।

अभियानले काठमाडौंमा बृहत कार्यक्रम गर्दै सरकार र आन्दोलनरत पक्षलाई ज्ञापनपत्र बुझाउने कार्यक्रम रहेको छ । त्यस्तै नेपालका लागि भारतीय राजदुत रञ्जित रेलाई भेटी अहिले नेपालमा भइरहेको मानविय संकटको अन्त्य गर्न आग्रहपत्र बुझाउने कार्यक्रम रहेको छ । अभियानको संयोजकमा कलाकार शर्मा र सदस्य सचिब केपी पाठक रहेका छन् ।