ठुलोपर्दा डटकम, काठमाण्डौ।
माघ २९ बाट देशव्यापी प्रदर्शनमा आउन लागेको चलचित्र क्लासिकको नयाँ गीत रिलिज भएको छ । ‘प्रकृतिको सुन्दर’ बोलको सार्वजनिक गीतमा गायिका मेलिना राईले आवाज दिएकी छिन् भने डा. कृष्णहरी बरालको शब्द रचना रहेको छ ।
गीतमा ताराप्रकाश लिम्बुको संगीत रहेको छ । सार्वजनिक गीतमा चलचित्रकी नायिका नम्रता श्रेष्ठ गीत गाइरहेको अवस्थामा देखिएकी छिन् भने गीतका भावहरुले मानिसलाई सजिलै मोहित बनाउन सफल भएको छ । सार्वजनिक गीतले चलचित्र क्लासिकलाई दर्शकमाझ अझ परिचित बनाउन मद्दत पुग्ने पक्का छ ।
चलचित्र ‘नोभेम्बर रेन’ निर्माण गरेपछि चर्चामा आएको सुवास इन्टरटेन्मेन्ट र आर्यन सिग्देल इन्टरटेन्मेन्टको ब्यानरले निर्माण गरेको चलचित्र ‘क्लासिक’मा आर्यन सिग्देल, नम्रता श्रेष्ठ, समुना केसी, रोमी घिमिरे, प्रज्वल गिरी, सुशिल काफ्ले, सुनिल रावल, शिशिर राना, सकुन्तला थापा, नमित चन्द, विश्व बस्नेत मुख्य भूमिकामा छन् ।
चलचित्रमा आर्यन र नम्रता आँखा नदेख्ने भुमिकामा छन् । चलचित्रमा हिमाल केसीको द्वन्द, रेनाशा राईको नृत्य निर्देशन, सुरेन्द्र पौडेल र प्रितम पाण्डेको सम्पादन, विजय बस्याल र श्रीकृष्ण श्रेष्ठको ग्राफिक्स, छेतन गुरुङको लेखन तथा राजेश श्रेष्ठको छायांकन रहेको छ ।
गीत हेर्नुहोस्: