काठमाण्डौ। भाद्र २ गते रिलीज हुने नेपाली चलचित्र ‘ग्याङस्टार ब्लुज’को ट्रेलर रिलिज भएको छ । ट्रेलरमा नव-नायक आशिरमान देशराज श्रेष्ठको ‘एंग्री लुक्स’ देख्न सकिन्छ ।
बुधवार राजधानीमा एक कार्यक्रमका बीच फिल्मको ट्रेलर सार्वजनिक गरिएको हो । ग्याङस्टार कथामा आधारित फिल्मको ट्रेलरमा आशिरमानलाई धमाकेदार एक्सन अवतारमा देख्न सकिन्छ । ट्रेलरमा आना शर्मा र आशिरमानको रोमान्स पनि समेटिएको छ ।
ट्रेलर रिलिज कार्यक्रममा बोल्दै निर्देशक हेमराज बीसीले ‘ग्याङस्टार ब्लुज’लाई आफूले निर्देशन गरेका अन्य फिल्मभन्दा फरक बनाउने प्रयास गरेको बताएका छन् । चलचित्रमा आना शर्मा, आशिरमान देशराज, संयम पुरी, प्रमोद अग्रहरि, रोजिशा शाही ठकुरी लगायतको अभिनय छ ।
मनिष पण्डित कार्यकारी निर्माता रहेका फिल्ममा सरोज न्यौपाने र हेमराज बिसीको निर्माण छ ।
ट्रेलर: