फागुन २५ गतेबाट देशव्यापी प्रदर्शनमा आउन लागेको चलचित्र ‘हुर्रे’को ‘बाचेनी पशुपति, मरेनी पशुपति’ बोलको गीत सार्वजनिक भएको छ ।
आइतवार राजधानीमा एक कार्यक्रमका बीच निर्माण यूनिटले नायिका नीता ढुंगाना फिचरिङ गीतको भिडियो सार्वजनिक गरेको हो ।
काली प्रसाद बाँस्कोटा र एकतारेको शब्द रहेको गीतमा कालीकै संगीत रहेको छ । गीतमा जुमा लिम्बु र गीतकार तथा संगीतकार कालीप्रसादको स्वर सुन्न सकिन्छ ।
धार्मिक स्थल पुशपति क्षेत्रमा खिचिएको भिडियोमा नायिका नीतासँगै अंकित खड्का, राजाराम पौडेल लगायतका कलाकारहरुले पनि ठुम्का लगाएका छन् । भिडियोका कारियोग्राफर विक्रम स्वाँर हुन् ।
पहिलो पटक नायिका ढुंगानाले आइटम डान्स गरेकी हुन् । यम थापाको लेखन निर्देशनमा बनेको कमेडी जनराको फिल्ममा केकी अधिकारी, अनुपबिक्रम शाही, संगीता नापित लगायतका कलाकारहरुको पनि मुख्य भूमिका छ ।
दावा शेर्पा, सोनम लामा, छिरिङ दोर्जेको निर्माणमा बनेको फिल्मलाई चन्दन दत्तले सम्पादन गरेका छन् ।
भिडियो :-