नेपाली चलचित्र ‘फाटेको जुत्ता’ मा रहेको ‘आई एम सरी’ बोलको गीतलाई अनलाइन भिडियो शेयरिङ्ग प्लाटफर्म युट्युबमा एक करोड बढि पटक हेरिएको छ ।
यो गीतमा सौगात मल्ल र प्रियंका कार्की प्रमुख छन् भने उनिहरुसँगै कामेश्वर चौरासिया र अनोज पाण्डे पनि देखिएका छन् ।
गीतमा प्रवेश मल्लिकको स्वर, शब्द र संगीत छ । निरज कँडेलले खिचेको गीतमा राजीव समरको कोरियोग्राफी रहेको छ । कार्तिक १७ गते प्रदर्शनमा आएको चलचित्र ‘फाटेको जुत्ता’ले नेपालबाटै लगानी सुरक्षित गरेको थियो ।
अर्जुन कुमार फिल्मसको व्यानरमा निर्मित ‘फाटेको जुत्ता’लाई अर्जुन कुमारले निर्माण गरेका हुन् । कमेडी जनराको यस सिनेमामा निकेश खड्काको निर्देशन छ ।
यस्तै, हालैमात्र निर्देशक सुदर्शन थापा निर्देशित तथा नायिका पूजा शर्मा र नायक पल शाह अभिनीत फिल्म ‘म यस्तो गाीत गाउँछु’को ‘किन आजकाल’ बोलको गीतले पनि युट्युवमा करोड ‘भ्यूअर्स’ पाएको छ ।
भिडियो :-