मानव तस्करीको अभियोगमा पक्राउ गरेका कलाकार राजेन्द्र खड्गीलाई पूर्पक्षका लागि जेल चलान गरिएको छ । उनलाई अहिले केन्द्रीय कारागार, सुन्धारामा राखिएको छ ।
जिल्ला अदालत काठमाडौंका न्यायाधीश टेकनारायण पौडेलको इजलासले शुक्रबार खड्गीलाई पूर्पक्षका लागि जेल चलान गर्न आदेश दिएका थियो ।
कराते (योयामा) गुरूको डकुमेन्ट्री बनाउने भन्दै कोरिया गएका १२ नेपाली उतै लुकेपछि कोरियन दूतावासको उजुरीमा खड्गीलाई नेपाल प्रहरीको केन्द्रीय अनुसन्धान व्यूरोले माघ २५ गते काठमाडौंको ठमेलबाट पक्राउ गरेको थियो ।
प्रहरी हिरासतमा रहेका वेला खड्गीले उनीहरूलार्इ कोरिया लगेको स्वीकार गरेका थिए ।