फागुन २५ गते देशभर प्रदर्शनको तयारीमा रहेको चलचित्र ‘गाजा बाजा’ लाई सेन्सर बोर्डले ‘एडल्ट’ सर्टिफिकेट दिएको छ । अब चलचित्र १६ वर्ष मुनिकाले हेर्न पाउने छैनन् ।
चलचित्रमा समावेश कुनै पनि दृश्य र संवादमाथि सेन्सरले कैंची चलाएको छैन । बाबा सिनेमा निर्माण कम्पनिको सहयोगमा डीआर फिल्मस र टुका इन्टरटेनमेन्टको व्यानरमा ‘गाजा बाजा’ निर्माण भएको हो ।
गणेशदेव पाण्डेको लेखन तथा निर्देशन रहेको यो फिल्ममा अनुपम शर्मा, शुशील सिटौला, रविन थापा, उद्दव भट्टराई, अम्बर सुवेदी, वर्षा सिवाकोटी, रक्षा श्रेष्ठ, जीवन भट्टराई, गोपाल अर्याल, कुविर सुब्बा लगायतका कलाकारको अभिनय छ ।
यो फिल्म याकोपो रास्लिकले खिचेका हुन् । दिपेन्द्र रेग्मी र गोमा विष्ट थापा निर्माता रहेको फिल्म लोकेश बज्राचार्यको सम्पादन छ ।