बैशाख १४ गतेबाट देशव्यापी प्रदर्शनमा आउन लागेको चलचित्र ‘कोहलपुर एक्सप्रेस’ को ट्रेलर इन्टरनेट रिलिज भएको चार दिनमा युट्युबको नेपाल ट्रेन्डिङ नम्वर एकमा पर्न सफल भएको छ । ट्रेलर झन्डै ४ लाख पटक भिजिट भएको छ ।
झन्डै ८ हजार लाइक्स र ९ सय बढी कमेन्ट मिलेको ट्रेलरलाई अधिकांशले राम्रो बोलेका छन् । ट्रेलरमा कमेडी संवादलाई प्राथमिकता दिइएको छ ।
यस चलचित्रका निर्देशक विशाल भण्डारी हुन् । यसअघि उनले दर्जनौं म्यूजिक भिडियो निर्देशन गरेता पनि चलचित्र निर्देशन उनको यो पहिलो हो ।
अभिनेत्री त्रय प्रियंका कार्की, ऋचा शर्मा र केकी अधिकारीको यस चलचित्रमा प्रमुख भूमिका छ । केकीको ब्यानर ‘जुनकिरी आर्टस्’ बाट निर्माण भएको चलचित्रमा ऋचाले मोडल तिर्सना बुढाथोकीको हाउभाउ नक्कल गर्न खोजेकी छन् ।
विनोद न्यौपाने, बुद्दी तामाङ, रविन्द्र झा, कुशाग्र भट्टराईलगायतका कलाकारहरुको पनि अभिनय रहेको चलचित्रको कथा निर्देशक भण्डारी आफैंले लेखेका हुन् ।
अर्जुन तिवारीको छायांकन रहेको चलचित्रमा भद्र बहादुर शाही, देवी लाल न्यौपाने पण्डित र शिव प्रसाद चौलागाई ‘कोहलपुर एक्सप्रेस’ को निर्माताका रुपमा रहेका छन् ।
चलचित्रका गीतमा राजनराज सिवाकोटी, अर्जुन पोखरेल र कालीप्रससाद बाँस्कोटाको संगीत सुन्न सकिन्छ ।
ट्रेलर :-